અમદાવાદના આંતરરાષ્ટ્રીય એરપોર્ટ પર હાઈ એલર્ટ જાહેર CISF રાખશે બાજનજર

અમદાવાદ: એરપોર્ટ પર હાઈ એલર્ટ જારી કરાયું છે. મળતી માહિતી મુજબ 15મી ઓગષ્ટે આતંકી ઘટનાને ધ્યાને રાખતાં હાઈ એલર્ટ જાહેર કરાયું છે. એલર્ટનાં પગલે આજથી મુસાફરોને ટર્મિનલમાં વિઝીટર એન્ટ્રી આપવામાં આવશે નહીં. આ સાથે જ VVIPનાં પાસ પણ ઈશ્યુ કરવાનું બંધ કરી દેવામાં આવ્યું છે. 

આ એલર્ટ આગામી 20 ઓગષ્ટ સુધી યથાવત રાખવામાં આવશે. એરપોર્ટ પર આવનાર મુસાફરોનું પણ બે વખત ચેકિંગ કરવામાં આવશે. ફ્લાઈટમાં બેસતા પહેલાં પણ લેડર પોઈન્ટ પર મુસાફરોનું ચેકિંગ કરાશે. તેમજ એરપોર્ટ પર CISF દ્વારા પણ ખાસ વોચ રાખવામાં આવશે.
 

#Ahmedabad #Airpoprt હાઇ એલર્ટ પર
આતંકી ઘટનાને લઈને એરપોર્ટ #Highalert પર
15 ઓગસ્ટને લઈને કરાયું હાઇ એલર્ટ
આજ રાતથી મુસાફરોને ટર્મિનલમાં વિઝીટર એન્ટ્રી બંધ
VVIPના પાસ ઇસ્યુ કરવાનું પણ બંધ કરાયું
20 ઓગસ્ટ રાત્રે 12 વાગ્યા સુધી પ્રવેશ અપાશે નહીં#AhmedabadAirtport#AirportHighAlert pic.twitter.com/yqHd3OmB6Z

— VTV Gujarati News (@VtvGujarati) August 10 2018

આપને જણાવી દઇએ કે એક તરફ દેશનો સ્વતંત્રતા દિવસ નજીક આવી રહ્યો છે ત્યારે સમગ્ર દેશમાં હાઇ એલર્ટ જાહેર કરવામાં આવ્યા છે. દેશના કેટલાક સ્થળો પર તો આતંકી હુમલાની પણ આશંકા વ્યક્ત કરવામાં આવી રહી છે ત્યારે આજરોજ અમદાવાદ એરપોર્ટ ઓથોરિટી દ્વારા ટર્મિનલની મુલાકાતે આવતા લોકોની એન્ટ્રી પર તાત્કાલિક અસરથી રોક લગાવી દેવામાં આવેલ છે.

ઉલ્લેખનીય છે કે. આજરોજ ભારતના વડાપ્રધાન પર પણ હુમલો થવાની આશંકા વ્યક્ત કરવામાં આવી હતી. ત્યારે અમદાવાદનું એરપોર્ટ આંતર રાષ્ટ્રીય પરિવહનનું હબ ગણાતું હોવાને કારણે હાઇ એલર્ટ જાહેર કરવામાં આવેલ છે.