આજકાલ સોશિયલ મીડિયામાં મિત્રતા કેળવી વિશ્વાસઘાત કરવાના અનેક બનાવો પ્રકાશમાં આવી રહ્યા છે. ત્યારે આવો જ એક બનાવ સુરતમાં બનવા પામ્યો છે. જેમાં ઠગબાજે વિધવા સાથે રૂપિયા 12.15 લાખની છેંતરપીડી કરી છે.
સોશિયલ મીડિયામાં મિત્રતા ભારે પડી
વિધવા સાથે 12.15 લાખની છેતરપિંડી
ઠગબાજે મિત્રતા બાંધી લાખો ખંખેર્યા
સુરત સાઇબર ક્રાઇમમાં નોંધાઇ ફરિયાદ
સુરતના નાનાવરાછા વિસ્તારમાં રહેતી ૫૬ વર્ષની વિધવાને લગ્ન કરી લંડન લઇ જવાનું કહી ઈન્સ્ટાગ્રામ મારફતે સંપર્કમાં આવેલા ભેજાબાજે રોકડા રૂ.૫.૧૫ લાખ અને ૭ લાખના ૧૩ તોલા સોનાના દાગીના પડાવી ઠગાઈ આચરી હતી. જેને લઇ વિધવા મહિલાએ ભેજાબાજ વિરુદ્ધ ફરિયાદ નોંધાવતા પોલીસે આરોપીની ધરપકડ કરી વધુ તપાસ હાથ ધરી છે. વિધવાએ બે પાર્ટમાં 5.15 લાખ મોકલી આપ્યા હતા
નાના વરાછામાં રહેતી 56 વર્ષીય વિધવાએ સોશિયલ મીડિયા થકી લંડન રહેતા યુવકની સાથે લગ્ન કરવાના ચક્કરમાં 12.15 લાખની રોકડ અને દાગીના ગુમાવ્યા છે. ગઠિયાએ લંડન રહેતો હોવાની અને નામ આશીષ હોવાનું કહી વિધવા સાથે છેતરપિંડી કરી હતી. તેણે વિધવાને કહ્યું કે તમે વિધવા છો અને હું એકલો છું, તો આપણે જીવનસાથી બની જઈએ. બોલો શું વિચાર છે? મારી રેમન્ડ કંપનીની શોપ છે તેમજ રાજકોટમાં જમીન-ફાર્મ છે. હું તમને લંડન લઈ જઈશ.
મહિલાએ બે પાર્ટમાં 5.15 લાખ મોકલી આપ્યા હતા
ગઠિયાએ વિધવાનો પાસપોર્ટ અને વિઝાની પ્રોસેસ ચાલુ કરાવી હોવાનું કહી ‘રાજકોટમાં મારી જમીનનું કામ કરતા મહેશ ગોસ્વામીને આંગડિયામાં રૂપિયા મોકલી આપ, તે મને મોકલી દેશે’ એવું કહેતાં વિધવાએ બે પાર્ટમાં 5.15 લાખ મોકલી આપ્યા હતા. રકમ મળી જતાં ગઠિયાએ કહ્યું કે વિમાનમાં સોનાના દાગીના લાવી શકાશે નહિ.
વિધવાએ વિશ્વાસ કરી તેને 13 તોલાના સોનાના દાગીના ઈસમને આપી દીધા
આથી તમે દાગીના પણ મહેશને આપી દો. ગઠિયાએ તેના સાગરીતને કામરેજ ચાર રસ્તા પાસે દાગીના લેવા મોકલ્યો હતો. જ્યાં ગઠિયાના સાગરીતે પહેલા તો વિધવાનો તેનો ફોટો બતાવ્યો હતો. આથી વિધવાએ વિશ્વાસ કરી તેને 13 તોલાના સોનાના દાગીના રૂ. 7 લાખની કિંમતના આપી દીધા હતા.અઠવાડિયા પછી ઠગ આશિષે વિધવાને દાગીના મળી ગયા હોવાનો ફોટો પણ બતાવ્યો હતો. ત્યાર પછી વિધવા સાથે વાત કરવાનું ઓછું કરી દીધું હતું. આખરે લંડન ન લઈ જતાં વિધવાએ દાગીના અને રોકડની માગણી કરી તો ગઠિયો વાયદા કરવા માંડ્યો હતો. આખરે વિધવાએ પરિવારને આ બાબતે જાણ કરી હતી. છેવટે વિધવાએ સાઇબર ક્રાઇમમાં આ અંગે અરજી આપી હતી. જેના આધારે સાઇબર ક્રાઇમ પોલીસે ગુનો નોંધ્યો છે. વિધવા સાથે ગઠિયો એક વર્ષ પહેલાં સંપર્કમાં આવ્યો હતો.