રાજકોટમાં નાના બાળકોમાં HFMD એટલે કે હેન્ડ ફૂટ ચાઈલ્ડ વાયરસ જોવા મળ્યો છે. જેના કારણે રાજકોટ મહાનગર પાલિકાનું આરોગ્ય વિભાગ હરકતમાં આવ્યું છે. જેમાં 21 આરોગ્ય કેન્દ્ર અને 340 આંગણવાડીઓમાં વિના મૂલ્યા દવાનું વિતરણ કરાશે.
આરોગ્ય વિભાગે ઇન્ડિયન પીડિયાટ્રિક એસોસિએશનની પણ મદદ લીધી છે. આ વાયરસ અત્યંત ચેપી વાયરસ છે જેથી એકથી બીજા બાળકમાં ફેલાતો હોવાથી સાવધાની રાખવી જરૂરી છે. ત્યારે આ રોગની ઓળખ કેવી રીતે કરવી તેના પર નજર કરીએ તો. ચેપ લાગ્યા બાદ એક-બે દિવસ તાવ, શરીરમાં નબળાઈ, ભુખ ન લાગે, ગળુ સુકાય અને બળતરાં થાય, ત્રીજા દિવસથી શરીર ખાસ કરીને હથેળી, પગના તળિયા, મોંઢામાં ફોલ્લીઓ પડે જે સરેરાશ ૨થી ૩ મિ.મિ.ની હોય છે જેમાં ધારવું થઈ શકે.
જ્યારે આ સમયે શું ધ્યાન રાખવું તે પણ જાણવું જરૂરી છે. જો તમારા બાળકને આ વાયરસ છે તો અસરગ્રસ્ત બાળકને સ્કૂલે નહીં મોકલવો જોઈએ અને બાળકને આરામ આપવો જરૂરી છે. આ રોગ જીવલેણ નથી એટલે ગભરાવાની કોઇ જરૂર નથી. માત્ર સાત દિવસની સમાન્ય સારવારથી જ બાળકને સારુ થઈ જાય છે. પરંતુ બાળકની યોગ્ય સારવાર ખુબ જરૂરી છે અને બાળકને પૂષ્કળ પ્રમાણમાં પ્રવાહી આપવું જેથી ડિહાઈડ્રેશન ન થાય. ગળામાં બાળકને ચાંદા હોય તો સાદો ખોરાક આપવો અને વાયરસગ્રસ્ત બાળકો હોય ત્યાં તમામ વસ્તુ સ્વચ્છ રાખવી જરૂરી છે.