વીજચોરી / હે જનસેવક, વીજચોરી અટકાવવા સહાયભૂત બનો, PGVCLનાં MDએ કોને લખ્યા પત્ર, શું કહ્યું ?

• હવે ધારા સભ્ય-સાંસદો અટકાવશે વીજચોરી 
• PGVCLના MDએ સાંસદ-ધારાસભ્યોને લખ્યો પત્ર
• સૌરાષ્ટ્રમાં વીજચોરીમાં સુ.નગર-રાજકોટ-કચ્છ મોખરે  

સૌરાષ્ટ્ર અને કચ્છમાં વીજચોરીનું પ્રમાણ વધ્યું હોવાનું અને આ ચોરીને સૌસૌઅટકાવવા માટે PGVCLના MDએ એક પત્ર લખ્યો છે.. આ પત્ર ધારાસભ્યો અને સાંસદોને સંબોધીને લખ્યો છે.. વીજચોરી અટકાવવા માટે 66 નેતાઓને પત્ર લખીને અપીલ કરવામાં આવી છે કે સૌરાષ્ટ્ર અને કચ્છમાં વીજ ચોરી અટકાવવામાં નેતાઓ તંત્રને મદદ રૂપ થાય.

છેલ્લા કેટલાક સમયથી પાવરચોરી સામે પીજીવીસીએલ દ્વારા કડક  કાર્યવાહી હાથ ધરવામાં આવી છે. જાન્યુઆરી માસ દરમિયાન વીજકંપનીએ સૌરાષ્ટ્રના જુદા જુદા જિલ્લાઓમાં સઘન વીજચેકિંગ હાથ ધર્યું હતું.  સૌરાષ્ટ્રમાં સૌથી વધુ સુરેન્દ્રનગર જિલ્લામાંથી 3.76 કરોડ રૂપિયાની વીજચોરી માત્ર જાન્યુઆરી મહિના  દરમિયાન જ પકડી પાડવામાં  આવી છે.  તો  બીજા ક્રમે ભુજ-કચ્છ જિલ્લામાંથી 3.72 કરોડની વીજચોરી પકડી છે. સૌરાષ્ટ્ર-કાછ્ના દરેક જિલ્લાઓ કરતા  રાજકોટ અને કચ્છ-ભુજમાં સૌથી વધુ વીજચોરી પકડાતી હતી.  પરંતુ જાન્યુઆરી-2022 દરમિયાન ચેકિંગ ઝુંબેશમાં સમગ્ર  સૌરાષ્ટ્રમાંથી સૌથી વધુ વીજચોરીમાં પ્રથમ સુરેન્દ્રનગર,  બીજા ક્રમે કચ્છ-ભુજ અને ત્રીજા નંબરે મોરબીરહ્યું છે. તમેન જાણીને નવાઈ લાગશે પણ મોરબીમાં 2.96 કરોડની વીજ ચોરી ઝડપી પાડવામાં આવી છે. 

જાન્યુઆરી મહિનામાં રાજકોટ જીલ્લાની વાત કરીએ તો શહેર અને ગ્રામ્યમાં લગભગ એક સરખી સ્થિતિ છે. રાજકોટ શહેરમાં 1.51 કરોડ તો  ગ્રામ્યમાં 1.28 કરોડની વીજચોરી ઝડપાઈ છે. આ એક જ મહિનામાં  સૌરાષ્ટ્રમાં 84, 275 વીજ કનેક્શન ચેક કરાયા હતા.  જેમાં 10, 023 કનેક્શનમાં ગોટાળા /ગડબડી ઝડપાયા. એટલું જ નહિ આ વીજચોરોને આક્રો દંડ પણ ફટકારવામાં આવ્યો છે.  

હવે આટલા મોટા પાયે સૌરાષ્ટ્ર -કચ્છમાં ચાલી રહેલી વીજ ચોરીને ડામી દેવાના સઘન પગલાં રૂપ PGVCLના MDએ ધારાસભ્યો અને સાંસદોને પત્ર લખી, વહીવટી તંત્રને મદદરૂપ થી વીજચોરી ડામવા સહયોગ આપવા રજૂઆત કરી છે.