કાર્યવાહી / તેને કાઢી મૂક્યો છે...: Elon Musk એ ટ્વિટર પર જ કર્મચારીની કરી હકાલપટ્ટી, જોતી રહી ગઈ દુનિયા 

• ટ્વીટરમાંથી કર્મચારીઓને કાઢી મૂક્યા બાદ વધુ એક મોટા સમાચાર
• એલન મસ્કે ટ્વિટરના ડેવલપરને ટ્વિટર પર જ બરતરફ કરી દીધા
• એલન મસ્ક દ્વારા ડેવલપર એરિક ફ્રોનહોફરને બરતરફ કરવામાં આવ્યા 

ટ્વીટર ખરીદ્યા બાદ એલન મસ્કે કંપનીના કર્મચારીઓને નોકરીમાંથી કાઢી મૂકવાની પ્રક્રિયા શરૂ કરી તે અટકવાનું નામ નથી લઈ રહી. અત્યાર સુધીમાં એલન મસ્કે કંપનીના લગભગ 50 ટકા કર્મચારીઓને કાઢી મૂક્યા છે. આ તરફ હવે મોટા સમાચાર એ છે કે, એલન મસ્કે ટ્વિટરના ડેવલપરને ટ્વિટર પર જ બરતરફ કરી દીધા છે. એલન મસ્ક દ્વારા ડેવલપર એરિક ફ્રોનહોફરને બરતરફ કરવામાં આવ્યો હતો. 

શું છે સમગ્ર મામલો?

વાસ્તવમાં, મસ્કે ટ્વિટર સ્લો ચાલવાનું કારણ જણાવવા માટે ટ્વીટ કર્યું હતું, ત્યારબાદ એરિકે તે ટ્વીટને ટાંકીને કહ્યું હતું કે મેં 6 વર્ષ કામ કર્યું, હું કહી શકું છું કે તે ખોટું છે. વાસ્તવમાં રવિવારે મોડી રાત્રે ટ્વિટરના માલિક એલન મસ્કે એક ટ્વિટ કર્યું અને લખ્યું કે, ઘણા દેશોમાં ટ્વિટર સુપર સ્લો હોવા બદલ હું માફી માંગવા માંગુ છું. એપ બરાબર કામ કરી રહી છે. મસ્કે પોતાના ટ્વીટમાં ટેક્નિકલ સમસ્યા વિશે પણ જણાવ્યું છે, જેના કારણે ટ્વિટર ધીમી પડી ગયું છે.

I have spent ~6yrs working on Twitter for Android and can say this is wrong. https://t.co/sh30ZxpD0N

— Eric Frohnhoefer @ 🏡 (@EricFrohnhoefer) November 13, 2022

જેનો જવાબ આપતા એન્ડ્રોઇડ એપ ડેવલપર એરિક ફ્રોનહોફરે લખ્યું કે, મેં એન્ડ્રોઇડ માટે ટ્વિટર પર કામ કરતા 6 વર્ષ વિતાવ્યા છે અને હું કહી શકું છું કે આ સંપૂર્ણપણે ખોટું છે. ડેવલપરે આ લખ્યા પછી તરત જ મસ્કે ટ્વિટર પર કહ્યું કે, એન્ડ્રોઈડ પર ટ્વિટર સુપર સ્લો છે. અને વિકાસકર્તાને પૂછ્યું કે તમે તેને ઠીક કરવા શું કર્યું છે ? આ પછી એરિક ફ્રેનહોફરે એલોન મસ્કને ટેગ કર્યા અને ટ્વિટર જેવા સાર્વજનિક પ્લેટફોર્મ પર ઘણી વસ્તુઓ લખી. છેલ્લે આ બધાનો જવાબ આપતાં મસ્કે લખ્યું હતું કે He's Fired।

Hi @elonmusk ,maybe I should run @twitter 🤔You can stop managing daily business, and “content moderation” and then support product/technology, let someone else “run” @Twitter .I’m expensive but so is what you paid for twitter (p.s. please be leadership example of how to tweet🥇)

— John Legere (@JohnLegere) November 13, 2022

પૂર્વ સીઈઓને પણ નોકરી આપવાનો ઈન્કાર

એલન મસ્કનું વધુ એક ટ્વિટ વાયરલ થઈ રહ્યું છે, જેમાં તે અમેરિકાની T-Mobile કંપનીના ભૂતપૂર્વ CEO જ્હોન લેગેરેને નોકરી આપવાનો ઈન્કાર કરતા જોવા મળે છે. વાસ્તવમાં જ્હોન લેગેરેએ એક ટ્વિટમાં લખ્યું હતું કે, એલન મસ્ક મને ટ્વિટર ચલાવવા દે. તમે માત્ર ઉત્પાદન અને ટેકનોલોજી પર ધ્યાન કેન્દ્રિત કરો. તેણે એમ પણ લખ્યું કે, કંપનીના રોજિંદા બિઝનેસ અને કન્ટેન્ટ મોડરેશન પર ફોકસ કરવાનું બંધ કરો અને બીજા કોઈને ટ્વિટર ચલાવવા દો.

આ સિવાય એલન મસ્ક પર કટાક્ષ કરતા જ્હોને લખ્યું કે, હું થોડો મોંઘો છું. જોકે તમે (એલન મસ્ક) ટ્વિટર ખૂબ મોંઘું ખરીદ્યું છે. આ સાથે તેણે એલન મસ્ક માટે પણ લખ્યું હતું કે, કેવી રીતે ટ્વિટ કરવું તે અંગે ટ્વીટ દ્વારા ઉદાહરણ સ્થાપિત કરવું જોઈએ. આ સમગ્ર એપિસોડ પર તરત જ જવાબ આપત મસ્કએ એક જ શબ્દ લખ્યો... 'ના'.