ત્રણ હજાર કિલો હેરોઇનને પ્રોસેસ કરી દસ હજાર કિલો બનાવવાનો હતો મોટો પ્લાન વર્ષ ર૦૧૭માં પણ દોઢ ટન હેરોઇનને પ્રોસેસ કરી દસ ટન બનાવવાનો પ્લાન આરોપીઓએ બનાવ્યો હોવાનું સામે આવ્યું છે
મુન્દ્રા પોર્ટ પરથી હેરોઈન પકડાવવાનો મામલો
દસ હજાર કરોડ કિલો હેરોઈન બનાવવાનો હતો પ્લાન
વર્ષ 2017માં તસ્કરોએ આવો જ બનાવાયો હતો પ્લાન
દેશમાં હેરોઇનની દાણચોરી સતત વધી રહી છે ત્યારે ડીઆરઆઇ (ડિરેક્ટોરેટ ઓફ રેવન્યૂ ઇન્ટેલિજન્સ)એ મુન્દ્રા પોર્ટ પરથી ર૧ હજાર કરોડનું ત્રણ હજાર કિલો હેરોઇન જપ્ત કર્યું હતું. સામાન્ય રીતે દેશમાં ઘુસાડવામાં આવતું હેરોઇન એકદમ હલકી ગુણવત્તાનું અને ભેળસેળયુક્ત હોય છે, જોકે ત્રણ હજાર કિલો હેરોઇન એકદમ સારી ગુણવત્તાનું ડ્રગ્સ હોવાનું સુરક્ષા એજન્સીઓ કહી રહી છે. ત્રણ હજાર કિલો હેરોઇનના જથ્થાને પ્રોસેસ કરી દસ હજાર કિલો જેટલો હેરોઇનનો જથ્થો બનાવી શકાય તેમ છે.
મુન્દ્રા પોર્ટ પરથી હેરોઈન પકડાવવાનો મામલો
૧૩ સપ્ટેમ્બરે બે કન્ટેનરની ડીઆરઆઇએ મુન્દ્રા પોર્ટ પર અટકાયત કરી હતી, જે ઈરાનના અબ્બાસ બંદર થઈને અફઘાનિસ્તાનના કંદહારથી મુન્દ્રા પોર્ટ પર આવ્યું હતું. આ કન્ટેનરમાં સેમી પ્રોસેસ્ડ ટેલ્ક સ્ટોન્સ હોવાનું જાહેર કરાયું હતું, જોકે કન્ટેનરની વિગતવાર તપાસ કરી બંને કન્ટેનરમાંથી ત્રણ હજાર કિલો હેરોઈન જપ્ત કરવામાં આવ્યું હતું.
દેશમાં પહેલી વખત આટલા મોટા પ્રમાણમાં ડ્રગ્સ ઝડપાયું
દેશમાં પહેલી વખત આટલા મોટા પ્રમાણમાં ડ્રગ્સનો જથ્થો મળી આવતાં સુરક્ષા એજન્સીઓ ચોંકી ઊઠી હતી અને એનઆઇએ સહિતની એજન્સીઓ કામે લાગી હતી. હેરોઇનને જમ્બો બેગમાં છુપાવવામાં આવ્યું હતું, જેમાં બિનપ્રોસેસ્ડ ટેલ્ક પાઉડર હોવાનું કહેવાય છે. હેરોઇન બેગના નીચલા સ્તરમાં મૂકવામાં આવ્યું હતું. ત્યારબાદ તપાસ ટાળવા માટે હેરોઇનને ટેલ્ક પથ્થરથી ટોચ પર રાખવામાં આવ્યું હતું. આ કેસ બાદ નવી દિલ્હી, નોઈડા (યુપી), ચેન્નઈ, કોઈમ્બતૂર, અમદાવાદ, માંડવી, ગાંધીધામ અને વિજયવાડામાં તાત્કાલિક કામગીરી હાથ ધરવામાં આવી હતી, જેના કારણે દિલ્હીના ગોડાઉનમાંથી ૧૬.૧ કિલો હેરોઈન તેમજ નોઈડાના રહેણાક સ્થળેથી ૧૧ કિલો હેરોઈન મળી આવ્યું હોવાની શક્યતા છે.
આ કેસમાં કુલ આઠ વ્યક્તિઓની ધરપકડ કરવામાં આવી
આ કેસમાં અત્યાર સુધીમાં ચાર અફઘાન નાગરિકો, એક ઉઝબેક રાષ્ટ્રીય અને ત્રણ ભારતીય નાગરિકો સહિત કુલ આઠ વ્યક્તિઓની ધરપકડ કરવામાં આવી છે. પકડાયેલા ભારતીય નાગરિકોમાં આયાત-નિકાસ કોડના ધારકનો સમાવેશ થાય છે, જેનો ઉપયોગ માલની આયાત કરવા માટે કરવામાં આવતો હતો. મુન્દ્રા પોર્ટ પરથી મળી આવેલું ડ્રગ્સ તેમજ એટીએસ અને કોસ્ટગાર્ડે સંયુક્ત ઓપરેશન હાથ ધરીને જપ્ત કરેલા હેરોઇનની ગુણવત્તા એટલી બધી શુદ્ધ છે કે તેને કેમિકલ પ્રોસેસ કરીને ડબલ હેરોઇન તૈયાર થઇ શકે છે.
ઇિજપ્ત હેરોઇન ઉતારીને જહાજ અલંગ તૂટવાનું હતું
ઉલ્લેખનીય છેકે વર્ષ ર૦૧૭માં પાકિસ્તાનના કરાચીથી લોડ કરવામાં આવેલ ૧પ૦૦ કિલો હેરોઇન ઇિજપ્ત મોકલવાનું હતું. ઇિજપ્ત હેરોઇન ઉતારીને પછી હેન્રી નામનું જહાજ ભાવનગર જિલ્લાના અલંગ ખાતે તૂટવા આવવાનું હતું. સેટેલાઇટ ફોનના સિગ્નલના આધારે મળેલી બાતમીના પગલે કોસ્ટગાર્ડ, ગુજરાત એટીએસ, નાર્કોટિક્સ કંટ્રોલ બ્યૂરોએ હેરોઇન કબજે કર્યું હતું. એટીએસની ટીમે ઉત્તરપ્રદેશથી ઇરફાન, મુંબઇથી વિશાલ તથા સુરપ્રિત તિવારીની અટકાયત કરી હતી. જહાજના કેપ્ટન સુરિજત તિવારીએ સેટેલાઇટ ફોનથી હેરોઇન લઇ પાકિસ્તાનથી ઇિજપ્ત જવાનો હોવાની વાત વિશાલ અને સુરપ્રિતને કરી હતી.
લાલચ આપીને વેચવાનું હતું હેરોઈન
વિશાલે કેપ્ટન સુરિજત અને સુરપ્રિતને પ૦ કરોડ રૂપિયાની લાલચ આપીને ૧પ૦ કરોડ રૂપિયાનું હેરોઇન વેચી મારવાનું કહ્યું હતું. લાલચમાં આવીને સુરિજત જહાજ ગુજરાતના પોરબંદર તરફ લાવ્યો હતો. આ ડ્રગ્સ એટલું શુદ્ધ હતું કે તેને પ્રોસેસ કરીને દસ ટન બનાવવાનો પ્લાન આરોપીઓનો હતો. વર્ષ ર૦૧૭માં પહેલી વખત સારી ગુણવત્તાનું ડ્રગ્સ આવ્યું હતું, જ્યારે હવે આ સમયે પણ સારી ગુણવત્તાનું ડ્રગ્સ આવ્યું છે.