ફરી એક વાર પાકિસ્તાનની નાપાક હરકત સામે આવી છે. રાજસ્થાનના બાડમેરમાં આંતરરાષ્ટ્રીય સરહદની પાસે બીએસએફે સ્થાનિક પોલીસ સાથે અભિયાન ચલાવીને હેરોઈનનો મોટો ઝખીરો જપ્ત કર્યો છે.
ભારતની બોર્ડર પરથી મોટી માત્રામાં હેરોઈન જપ્ત કરવામાં આવ્યું
14 કિલોની આસપાસ છે આ ડ્રગ્સ
આંતરરાષ્ટ્રીય બજારમાં કરોડો રૂપિયામાં છે તેની કિંમત
ફરી એક વાર પાકિસ્તાનની નાપાક હરકત સામે આવી છે. રાજસ્થાનના બાડમેરમાં આંતરરાષ્ટ્રીય સરહદની પાસે બીએસએફે સ્થાનિક પોલીસ સાથે અભિયાન ચલાવીને હેરોઈનનો મોટો ઝખીરો જપ્ત કર્યો છે.
આંતરરાષ્ટ્રીય બજારમાં કરોડોની છે કિંમત
સુરક્ષાકર્મીઓએ બાડમેર જિલ્લાના પાંચલા ગામની પાસે ઝાડીઓમાંથી 14 કિલો હેરોઈન જપ્ત કર્યું છે. જપ્ત કરવામાં આવેલું આ હેરોઈન આંતરરાષ્ટ્રીય બજારમાં તેની કિંમત 35 કરોડ રૂપિયા હોવાનું કહેવાય છે.
In a joint operation, Border Security Force, SOG & Barmer Police recovered 14 Kg Heroin near village Panchala in Barmer district. The approximate value of recovered heroin in the international market is Rs 35 crore: PRO of BSF Gujarat Frontier pic.twitter.com/QcclkQt6sz
પ્રાપ્ત વિગતો અનુસાર જોઈએ તો, એસઓજીની ટીમે હેરોઈન તસ્કરોની તપાસમાં ઝાડીઓમાં રાખેલું એક બોરીમાં તપાસ કરતા અંદરથી કરોડોની કિંમતનું હેરોઈન મળી આવ્યું છે. કટ્ટામાં અંદર 14 કિલો 740 ગ્રામ હેરોઈન અલગ અલગ પેકેટમાં બાંધીને રાખ્યા હતા. હેરોઈન જપ્ત થયું હોવાની જાણકારી એસઓજીએ સ્થાનિક પોલીસને આપી હતી.
બોર્ડર વિસ્તારમાંથી હેરોઈન ઝડપાયોનો મામલો સામે આવ્યા બાદ સુરક્ષા એજન્સીઓ એલર્ટ થઈ ગઈ છે. હાલમાં આ જાણવાની કોશિશ થઈ રહી છે કે, હેરોઈનનો આ ઝખીરો સહરદ પાર પાકિસ્તાનમાંથી કેવી રીતે અને ક્યારે આવ્યો. તથા ડિલીવરી કોણે લીધી છે. સમગ્ર વિસ્તારમાં હાલ તપાસ ચાલી રહી છે.
જમ્મુમાંથી પણ મળી આવ્યું હતું ડ્રગ્સ, 3 પાકિસ્તાનીને કર્યા ઠાર
આ અગાઉ ગત રોજ જમ્મુના સાંબા સેક્ટરમાં આંતરરાષ્ટ્રીય સરહદ પર ત્રણ પાકિસ્તાની તસ્કરો માર્યા ગયા હતા. તેમની પાસે નશીલા પદાર્થના 36 પેકેટ જપ્ત કરવામાં આવ્યા હતા. આ જાણકારી બીએસએફે રવિવારે આપી હતી. બીએસએફે કહ્યું હતું કે, 6 ફેબ્રુઆરીએ સવારે બીએસએફે જમ્મુમાં ત્રણ પાકિસ્તાનીઓને ઠાર કર્યા છે. જે સાંબા આંતરરાષ્ટ્રીય સરહદથી નશીલો પદાર્થોની તસ્કરી કરવાની કોશિશ કરી રહ્યા હતા.
બીએસએફે કહ્યું હતું કે, તસ્કરીનો આ એક મોટો પ્રયાસ હતો, જે નિષ્ફળ કરવામાં આવ્યો છે અને તેમની પાસેથી 36 પેકેટ જપ્ત કરવામાં આવ્યા છે.