આખા વિશ્વમાં ઈલેક્ટ્રીક વાહનોનો વધતો ક્રેઝ દેશમાં હવે સ્પષ્ટ રીતે જોવા મળી રહ્યો છે અને નવી નવી કંપનીઓ ઘણા સારા ઈલેક્ટ્રીક વાહન માર્કેટમાં લાવી રહી છે. જેનું સૌથી મોટું કારણ પર્યાવરણને નુકસાનથી બચાવવાનું છે.
દેશમાં હવે ઈલેક્ટ્રીક વાહનોનો વધી રહ્યો છે ક્રેઝ
GoGoA1 મોટરસાઈકલ માટે પહેલી ઈવી કન્વર્ઝન કિટ લઇને આવ્યું
ઈલેક્ટ્રીક બાઈક બનાવવા માટે તમારે 35,000 રૂપિયા ખર્ચવા પડશે
RTOનું એપ્રુવલ મળ્યું
જો કે, પેટ્રોલ-ડીઝલની વધતી કિંમત પણ ઈલેક્ટ્રીક વાહન અપનાવવા પાછળનું મોટું કારણ છે. ઈલેક્ટ્રીક વાહન તમારા પેટ્રોલ-ડીઝલના ખર્ચને પૂર્ણ કરી નાખે છે અને હવે તમે તમારા વાહનને પણ ઈલેક્ટ્રીક બનાવી શકો છો. તેના માટે તમારે ફક્ત EV કિટની જરૂર પડે છે. જેમાં ઈંધણથી ચાલતા એન્જિનની જગ્યાએ આ કન્વર્ઝન કિટ લગાવી દેવામાં આવી છે. થોડા અઠવાડિયા પહેલા કાર માટે EV Conversion Kit રજૂ કરવામાં આવી છે, તો બાઈક માટે ઈલેક્ટ્રીક કિટને ગયા મહિને લોન્ચ કરવામાં આવી હતી. થાણે બેસ્ડ એક EV સ્ટાર્ટઅપ GoGoA1 મોટરસાઈકલ માટે પહેલી ઈવી કન્વર્ઝન કિટ લઇને આવ્યું છે, જેને RTOનું એપ્રુવલ મળ્યું છે. અહીં જો તમે તમારી બાઈકને ઈલેક્ટ્રીક બનાવવા માગો છો તો તમારે 35,000 રૂપિયા ખર્ચવા પડશે અને અલગથી 6300 રૂપિયા તેના પર GST કપાશે. આ કિટને ત્રણ વર્ષની વોરંટીની સાથે રજૂ કરવામાં આવી છે. આ સિવાય તમારે તમારી મોટરસાઈકલની રેન્જ 151 કિમી પ્રતિ ચાર્જ કરવાની છે, તો તેના માટે તમારે આખા બેટરી પેક પર તમને 95,000 રૂપિયાનો ખર્ચ આવશે.
એક ચાર્જમાં 151 કિમી રેન્જ
જેમાં Hero Electric માં બજાજ પલ્સરથી લેવામાં આવેલા બ્રેક્સ અને શૂજ લગાવવામાં આવ્યાં છે. Splendor Electric ની ક્ષમતા 2.4 બીએચપી તાકાત અને 63 એનએમ પીક ટોર્ક છે. જો કે, મહત્તમ તાકાતને 6.2 બીએચપી સુધી વધારી શકાય છે. ઈલેક્ટ્રીક સ્પાલન્ડરની ટોપ સ્પીડ 80 કિમી/કલાક હોવાનો દાવો કરવામાં આવ્યો છે અને તેને એક વખત ચાર્જ કરવાથી 151 કિમી સુધી ચલાવી શકાય છે. જેમાં રીઝનરેટિવ બ્રેકિંગ ટેકનિક પણ આપવામાં આવી છે. જેનાથી તેની બેટરી 5-20 ટકા સુધી જાતે ચાર્જ થાય છે.