દેશની સૌથી મોટી ટૂ-વ્હીલર નિર્માતા કંપની હિરો મોટોકોર્પે સ્થાનિક બજારમાં તેના ટૂ-વ્હીલર લાઈનઅપને અપડેટ કરવાની સાથે સૌથી સસ્તી બાઈક લોન્ચ કરી છે. કંપનીએ બજારમાં તેની નવી BS6 HF Deluxe બાઈક લોન્ચ કરી દીધી છે. આકર્ષક લુકની સાથે દમદાર એન્જિનથી સજ્જ આ બાઈક કંપનીએ બે વેરિઅન્ટમાં રજૂ કરી છે.
હિરોની નવી BS6 HF Deluxe કિક સ્ટાર્ટ વેરિઅન્ટના સ્પોક વ્હીલ મોડલની કિંમત માત્ર 46800 રૂપિયા છે. જ્યારે એલોય વ્હીલ મોડલની કિંમત 47800 રૂપિયા છે. કંપનીએ આ વર્ષની શરૂઆતમાં જાન્યુઆરીમાં બજારમાં BS6 HF Deluxeના ઈલેક્ટ્રિક સ્ટાર્ટ (સેલ્ફ સ્ટાર્ટ) વેરિઅન્ટને લોન્ચ કર્યો હતો. જેની કિંમત 56,675 રૂપિયા હતી.
9 ટકા વધુ માઈલેજ આપશે બાઈક
કંપનીએ આ બાઈકમાં 100સીસીની કેપેસિટીનું સિંગલ સિલેન્ડર એન્જિન વાપર્યો છે. કંપનીએ દાવો કર્યો છે કે. આ નવા અપડેટેડ એન્જિનની સાથે બાઈકની માઈલેજ પણ લગભગ 9 ટકા જેટલી વધી જશે. જોકે, તેના પાવરફુલ આઉટપુટમાં થોડી કમી જોવા મળી છે. જે લગભગ તમામ બાઈક્સમાં BS6 અપડેટ બાદ આવી જાય છે.
એન્જિન ડિટેલ્સ
BS6 HF Deluxe બાઈક 7.94hpનું પાવર અને 8.05 Nmનું ટોર્ક જનરેટ કરે છે. તેનું પહેલાંનું મોડલ 8.36hp પાવર જનરેટ કરતું હતું. કંપનીએ દાવો કર્યો છે કે, બાઈકના પાછલા મોડલ કરતાં આ બાઈકમાં 6 ટકા વધુ ફાસ્ટ એક્ઝેલરેશન આપે છે. એટલે કે બાઈકનું પર્ફોમન્સ વધુ સારું થઈ ગયું છે.
આ બાઈકથી થશે મુકાબલો
ઉલ્લેખનીય છે કે, આ કંપનીની ઘરેલૂ બજારમાં વેચાનારી બેસ્ટ સેલિંગ બાઈક છે. જોકે, કિક સ્ટાર્ટ અને ઈલેક્ટ્રિક સ્ટાર્ટ વેરિઅન્ટની કિંમકમાં લગભગ 10000 રૂપિયાનું અંતર છે. કંપનીએ આ બાઈકમાં એન્જિન અપટેડની સાથે અન્ય ઘણાં ચેન્જિસ કર્યા છે. બાઈકનો લુક અને ડિઝાઈન પાછલા મોડલ જેવી છે. ભારતીય બજારમાં આ બાઈક બજાજ સીટી 100ને ટક્કર આપશે. જેની કિંમત માત્ર 41293 રૂપિયા છે.