પેટ્રોલ ડિઝલની વધતી કિંમત વચ્ચે ભારતમાં ઇલેક્ટ્રીક સ્કૂટરનું માર્કેટ તેજ થયું છે.
OLA બાદ આ કંપની લોન્ચ કરશે સ્કૂટર
હીરો કરી શકે ઇલેક્ટ્રીક સ્કૂટર લોન્ચ
શાનદાર લૂક સાથે એન્ટ્રી કરશે હીરો સ્કૂટર
ભારતમાં મોટી કંપની ઇલેક્ટ્રીક સેગમેન્ટમાં પોતાના વાહન રજૂ કરી રહી છે. હવે આ જ ક્રમમાં ભારતની સૌથી મોટી ટૂ-વ્હીલર નિર્માતા કંપની હીરોએ પોતાનું નવું ઇલેક્ટ્રીક સ્કૂટર જલ્દી જ લૉન્ચ કરવા જઇ રહી છે. તેની એક ઇમેજ લીક થઇ ગઇ છે. માનવામાં આવી રહ્યું છે કે આ વર્ષે હીરો નવું ઇલેક્ટ્રીક સ્કૂટર માર્કેટમાં આવી જશે.
આ લીક ઇમેજમાં અપકમિંગ ઇલેક્ટ્રીક સ્કૂટર સાથે હીરો મોટોકોર્પના ચેરમેન પવન મુંજાલ દેખાઇ રહ્યાં છે. હાલમાં જ જયપુર સ્થિત હીરો મોટોકોર્પના R&D ફેસિલિટી સેન્ટર બહાર હીરો ઇલેક્ટ્રીક સ્કૂટરના પ્રોડકેશન રેડી યુનિટની ઝલક દેખાઇ. આ ઇમેજ જોઇને ખબર પડે છે કે તેને ડુઅલ ટોન એટલે કે બ્લેક એન્ડ વ્હાઇટ કલર ઓપ્શનમાં લૉન્ચ કરશે.
મહત્વનું છે કે Gogoro એક એવી કંપની છે જે બેટરી સ્વેપિંગ ટેકનોલોજી બનાવવા મુદ્દે એક્સપર્ટ છે. ટૂ વ્હીલર બાદશાહ કંપની હીરો સાથે ભાગીદારી બાદ આશા છે કે આવનારા સમયમાં હીરો શાનદાર લૂક, અપડેટેડ ફીચર સાથે સારી રેન્જવાળું સ્કૂટર લોન્ચ કરશે. જેની ટક્કર સીધી બજાજ ચેતક અને TVS Iqube સાથે થશે.