ન્યૂ લોન્ચ / Hero Electric એ લોન્ચ કર્યુ નવુ ઇ-સ્કૂટર, કિંમત માત્ર આટલી

Hero Electric Dash ના નામથી બજારમાં લોન્ચ કરવામાં આવેલા આ ઇ-સ્કૂટરની કિંમત 62000 રૂપિયા છે. કંપનીએ દાવો કર્યો છે કે, ફૂલ ચાર્જ કરવા પર Hero Electric Dash 60 કિલોમીટર સુધી ચાલશે.

Hero Electric તરફથી કહેવામાં આવ્યુ છે કે, મોટાભાગે ઇલેક્ટ્રોનિક સ્કૂટર કોમર્શિયલ યૂઝને ધ્યાનમાં રાખીને બનાવવામાં આવ્યા છે.

Hero Electric Dash માં 28Ah ની લિથિયમ આયન બેટરી આપવામાં આવી છે, જેને ફૂલ ચાર્જ કરવા માટે 4 કલાકથી વધારે સમય લાગશે. આ સ્કૂટરમાં એલઈડી ડીઆરએલ, એલઈડી હેડલાઈટ્સ, ડિજિટલ ઈન્સ્ટ્રૂમેન્ટ ક્લસ્ટર, યૂએસબી ચાર્જિંગ પોર્ટ, ટ્યૂબલેસ ટાર અને સીટની નીચે આપવામાં આવેલી ડેકી માટે રિમોટ એક્સસ જેવી સુવિધાઓ છે. 

હાલમાં દેશમાં Hero Electric ના 615 ટચપોઇન્ટ છે. કંપનીની યોજના 2020 સુધી તે વધારીને 1000 સુધી કરવાની છે. આ સિવાય કંપની દ્વારા કહેવામાં આવ્યુ છે કે, આગામી 3 વર્ષમાં દર વર્ષે 5,00,000 યૂનિટ પ્રોડક્ડશન તૈયાર થાય તેવો ટાર્ગેટ કરવામાં આવ્યો છે. 

તમને જણાવી દઇએ કે, ગત અઠવાડિયે Hero Electric એ Optima ER અને Nyx ER ઇલેક્ટ્રોનિક સ્કૂટર લોન્ચ કર્યુ હતુ.  Optima ER અને Nyx ER ની કિંમત ક્રમશ 68,721 રૂપિયા અને 69,754 રૂપિયા છે. કંપનીએ દાવો કર્યો છે કે, ફૂલ ચાર્જ થવા પર Optima ER 110 કિલોમીટર અને Nyx ER  100 કિલોમીટર સુધી ચાલશે. આ બંને ઇ-સ્કૂટર્સની ટોપ સ્પીડ 42 કિલોમીટર પ્રતિ કલાક છે. 

Optima ERને ઓફિસે જતા કર્મચારીઓ તથા કોલેજના વિદ્યાર્થીઓને ધ્યાનમાં રાખીને બનાવવામાં આવ્યું છે. Nyx ERને નાના ઉદ્યોગો, ઇ-કોમર્સ ડિલિવરી એક્ઝિક્યુટિવ્સ અને રેન્ટલ ઇ-બાઇક માટે બનાવવામાં આવ્યું છે. આ બંને સ્કૂટર્સમાં એલોય વ્હીલ્સ, એલઈડી હેડલાઇટ, ડિજિટલ સ્પીડોમીટર, ટેલિસ્કોપિક સસ્પેન્શન અને રિજનરેટિવ બ્રેકિંગ જેવાં ફિચર્સ આપવામાં આવ્યાં છે.