હીરો મોટોકોર્પ 125cc સ્કૂટર સેગમેન્ટમાં એન્ટ્રી કરવા માટે તૈયાર છે. કંપની આ સેગમેન્ટમાં પોતાનું પહેલુ સ્કૂટર Destini 125ને 22 ઓક્ટોબરના લોન્ચ કરશે. ઓટો એક્સપો 2018માં આ સ્કૂટરને હીરો મોટોકોર્પ Duet125ના નામે રજૂ કર્યુ હતુ. હવે તેનું નામ Hero Destini 125 રાખવામાં આવ્યુ છે. છેલ્લા એક વર્ષમાં 125cc સેગમેન્ટની પૉપ્યુલારિટીમાં વધારો થયો છે. તેને ધ્યાનમાં રાખીને કંપનીએ આ નિર્ણય કર્યો છે.
હીરો ડેસ્ટિની 125 સ્કૂટર 110 cc ડુએટ પર આધારિત છે પરંતુ તેમાં કેટલાક કોસ્મેટિક ફેરફાર કરવામાં આવ્યા છે. જે તેને નવો લૂક આપે છે. જેમાં ક્રોમ એક્સસેન્ટ્સ સાથે નવું ફ્રન્ટ એપ્રોન અને કર્વી બોડી પેનલ આપવામાં આવી છે. નવા સ્કૂટરમાં 125 સીસી સિંગલ સિલિન્ડર એન્જિન આપવામાં આવ્યું છે. જે 6750rpm પર 8.7bHpનો પાવર અને 5000rpm પર 10.2 Nmનો પીક ટોર્ક જનરેટ કરે છે.
ફ્યૂલ એફિશિઅંસી વધારવા માટે કંપનીએ પહેલી વખત પોતાના સ્કૂટરમાં 3S સિસ્ટમ આપી છે. આ ઉપરાંત ઓપ્શનલ ફ્રંટ ડિસ્ક બ્રેક ઈન્ટીગ્રેટેડ બ્રેકિંગ સિસ્ટમ સાઇડ સ્ટેન્ડ ઇન્ડીકેટર સર્વિસ રિમાઇન્ડર પાસ સ્વિચ અને એક્સટર્નલ ફિલિંગ જેવા ફિચર્સનો સમાવેશ થાય છે.આ નવું સ્કૂટર હોન્ડાના ગ્રાઝિયા સુઝુકી એક્સેસ હોન્ડા એક્ટિવા 125 ટીવીએસ એનટોર્ક 125 વેસ્પી વીએક્સ અને અપ્રીલિયા એસઆર 125 જેવા સ્કૂટર સાથે થશે. કિંમત અંગે જોકે કોઇ ખુલાસો કરવામાં આવ્યો નથી.