કામની વાત / અમદાવાદમાં સિનિયર સિટીઝન માટે ખુશખબર, PMYJ વય વંદના યોજનાનો મળશે લાભ, 10 લાખ સુધીની મફત સારવાર

પ્રધાનમંત્રી દ્વારા સીનીયર સીટીઝન માટે શરૂ કરવામાં આવેલી વય વંદના યોજના અંતર્ગત અમદાવાદ મહાનગરપાલિકા દ્વારા 70 વર્ષથી વધુ ઉંમરના નાગરિકોને આ કાર્ડ કાઢી આપવાની વ્યવસ્થા ઉભી કરવામાં આવી છે. કોર્પોરેશન સંચાલિત 85 જેટલા અર્બન હેલ્થ સેન્ટર તથા કોમ્યુનીટી હેલ્થ સેન્ટર પરથી આ કાર્ડ કાઢી આપવામાં આવશે. જે કોઈપણ સિનિયર સિટીઝન કાર્ડ કઢાવવા ઈચ્છતા હોય તેઓ આધાર કાર્ડ નો પુરાવો રજૂ કરીને કાર્ડ મેળવી શકશે. આયુષ્યમાન એપ દ્વારા પણ ઘર બેઠા કાર્ડ મેળવી શકાશે. આ કાર્ડ દ્વારા 10 લાખ સુધીની સારવાર નિ શુલ્ક મેળવી શકાશે.

પીએમજે યોજનામાં આવક મર્યાદા છે, પરંતુ વય વંદના યોજનામાં આવક મર્યાદા નથી. 70 વર્ષથી ઉપરના કોઈપણ વૃદ્ધ નાગરિક આ યોજનાનો લાભ લઈ શકે છે. શહેરના 85 અર્બન હેલ્થ સેન્ટર પર વય વંદના કાર્ડ બનાવવાની સુવિધા ઉપલબ્ધ કરાવવામાં આવી છે. નાગરિકો માત્ર આધાર કાર્ડ સાથે આ સેન્ટર પર જઈને કાર્ડ બનાવી શકે છે. આ કાર્ડથી તેઓ 10 લાખ રૂપિયા સુધીની સારવાર મફતમાં કરાવી શકશે.

યોજનાનો ઉદ્દેશ્ય દેશના દરેક વૃદ્ધ વ્યક્તિને વધુ સારી સ્વાસ્થ્ય સુવિધાઓ પૂરી પાડવાનો છે. તેથી, સરકારે વૃદ્ધો માટે આવક અથવા અન્ય કોઈ માપદંડ નક્કી કર્યા નથી અને દરેક વ્યક્તિ આ યોજનાનો લાભ મેળવી શકે છે.

આ પણ વાંચોઃ કેન્દ્રએ 76000 કરોડનું જંગી બજેટ ફાળવ્યું, સેમિકન્ડક્ટર પોલિસી અમલમાં મૂકનાર ગુજરાત પ્રથમ રાજ્ય, આટલી રોજગારીનું થશે સર્જન

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ