દીપિકા અને રણવીર સિંહે 48 કલાકના ઇંતજાર બાદ પોતાના ઑફિશ્યલ સોશ્યલ મીડિયા એકાઉન્ટ પર લગ્નના ફોટોઝ શૅર કરી દીધી છે. બસ ત્યારથી સોશ્યલ મીડિયા પર દીપિકા-રણવીર સિવાય બીજી કોઇ ચર્ચા નથી થઇ રહી. દીપિકા-રણવીરના વેડિંગ લૂકનો જોઇને ફેન્સ ખુશ થઇ ગયા છે.
દીપિકા-રણવીરના લગ્નના ફોટોઝ તો તમે જોયા પરંતુ શું તમારી નજર દીપિકાની રિંગ પર ગઇ? જો તમે ધ્યાનથી જોયું હશે તો દીપિકાએ ત્રીજી આંગળી પર મોટી ડાયમંડ રિંગ પહેરી છે. એક્ટ્રેસની આ રિંગની કિંમત કરોડો રૂપિયામાં હશે તેવું લાગી રહ્યુ છે.
રણવીર સિંહે દીપિકાને આપેલી આ એગેંજમેન્ટ રિંગમાં મોટા ડાયમન્ડ છે. તેની કિંમત 1.3 કરોડથી 2.7 કરોડ હોવાની શક્યાતા છે. તમે ફોટો ધ્યાનથી જોશો તો માલૂમ પડશે કે દીપિકાએ જે ચૂંદડી ઓઢી હતી તેના પર પણ સદા સૌભાવ્યતી ભવ: લખેલું હતુ. એ વાત તો માનવી પડે કે ઇટાલીમાં લગ્ન કરનારા રણવીર-દીપિકાએ ભારતીય પરંપરા બરાબર જાળવી રાખી હતી.
રણવીર અને દીપિકાના લગ્ન 14 નવેમ્બર અને 15 નવેમ્બરે યોજાયા હતા. પહેલી દિવસે કોંકણી વિધિથી લગ્ન થયા હતા જ્યારે બીજા દિવસે સિંધી રીતિ રિવાજથી. તેમના ફોટોઝ પરથી લાગે છે કે આ કપલ એકબીજામાં પ્રેમમાં ખરેખર પાગલ છે.