પોતાના દીકરાના લગ્નમાં ડીજે પર ડાન્સ કરતા-કરતા માંનુ મોત થયુ. વરરાજા પણ માંની સાથે ડાન્સ કરી રહ્યો હતો. વરરાજાએ નીચે ઉતરીને પોતાની માતાને સંભાળી. પરંતુ માંનો દીકરાના ખોળામાં જ જીવ જતો રહ્યો. આખી ઘટના ત્યાં ઉભા રહેલા યુવકના કેમેરામાં કેદ થઇ.
દીકરાના લગ્નમાં ડીજે પર ડાન્સ કરતા-કરતા માંનુ થયુ મોત
વરરાજાએ માંને સંભાળી અને હોસ્પિટલ લઇ ગયો
પરિજનોએ જણાવ્યું, વરરાજાની માંએ થોડો જ કર્યો હતો ડાન્સ
જાનમાં ડાન્સ કરતા કરતા વરરાજાની માં ઢળી પડી
ઘટના 3 ફેબ્રુઆરીની છે. હવે તેનો વીડિયો સામે આવ્યો છે. ખરેખર, અલવરના ચિકાનીમાં સતીશ અને નીલમના પુત્ર નીરજના લગ્ન હતા. વરરાજાની જાન કિશનગઢવાસના બમ્બોરા જવાની હતી. જ્યાં 4 ફેબ્રુઆરીએ લગ્નના ફેરા ફરવાના હતા. 55 વર્ષની માતા નીલમે 3 ફેબ્રુઆરીએ ભાત ખાધા હતા. ત્યારબાદ રાત્રે ડીજે પર ડાન્સ ચાલી રહ્યો હતો. આ દરમ્યાન નીલમને પણ ડાન્સ કરવા માટે કહેવામાં આવ્યું. તે ડાન્સ કરતા-કરતા જમીન પર અચાનક ઢળી પડી. દીકરાએ તાત્કાલિક માતાને સંભાળી અને હોસ્પિટલ લઇ ગયો. જ્યાં તબીબોએ નીલમને મૃત જાહેર કરી.
લગભગ 20 સેકન્ડમાં થયુ મોત
પરિવારજનોએ જણાવ્યું કે નીલમે થોડી સેકન્ડ જ ડાન્સ કર્યો હતો. દીકરો નીરજ પણ માંની પાસે આવીને ડાન્સ કરી રહ્યો હતો. એટલામાં જ માં ડાન્સ કરતા-કરતા જમીન પર ઢળી પડી અને તેનું હાર્ટ ફેલ થયુ. લગભગ 20 સેકન્ડમાં તેની માતાનો જીવ જતો રહ્યો.