ફટકો / અહીં ચૂંટણીમાં થયું ભાજપનું સૂરસૂરિયું, 941 સીટમાંથી માંડ માંડ મળી 22 બેઠકો 

• કેરળમાં ભાજપની કારી ન ફાવી 
• ભાજપે પહેલી વાર ખ્રિસ્તી અને મુસ્લિમ ઉમેદવારોને મોટી સંખ્યામાં આપી ટિકિટો 
• કેરળમાં સત્તાધારી LDF ગઠબંધનને મળી ભવ્ય જીત 

LDF એ કેરળની સ્થાનિક સંસ્થાની ચૂંટણીઓમાં શાનદાર પ્રદર્શન દર્શાવ્યું હતું. ત્રણ તબક્કામાં 1199 સ્થાનિક સંસ્થાઓની ચૂંટણી યોજવામાં આવી હતી. 941 ગ્રામ પંચાયતો, 152 બ્લોક પંચાયતો, 86 નગરપાલિકાઓ અને 14 જિલ્લા પંચાયતોમાં ચૂંટણી યોજાઇ હતી. આ ઉપરાંત 6 મહાનગરપાલિકાઓની પણ ચૂંટણી યોજાઇ હતી.

BJP પોતાનો પગ મજબૂત કરવા માંગે છે 

ભાજપ કેરળમાં પોતાનો પગ મજબૂત કરવા માંગે છે અને આ ચૂંટણી ભાજપ માટે ખૂબ મહત્વની માનવામાં આવી હતી. કેરળ માં આવતા વર્ષે વિધાનસભાની ચૂંટણી યોજાવાની છે. ભાજપે 612 લઘુમતી ઉમેદવારોને મેદાનમાં ઉતાર્યા હતા.

ભાજપ પાસે 500 ખ્રિસ્તી ઉમેદવારો હતા અને 112 મુસ્લિમ ઉમેદવારો મેદાનમાં હતા. કેરળમાં LDF, યુનાઇટેડ ટેમોક્રેટિક ફ્રન્ટ અને ભાજપ વચ્ચે આ સ્પર્ધા હતી, પરંતુ ભાજપનું ધોવાણ થયું હતું. કેરળમાં પ્રથમ વખત ભાજપે આટલી મોટી સંખ્યામાં લઘુમતી ઉમેદવારોને મેદાનમાં ઉતાર્યા હતા. જો કે કેરળમાં ભાજપનો મત ટકાવારી 2014 થી સતત વધી રહ્યો છે.

ભાજપે મોટી સંખ્યમાં લઘુમતી ઉમેદવારોને આપી હતી ટિકિટ 

ભાજપ આ ચૂંટણીમાં ધ્વજ લહેરાવીને વિધાનસભાની ચૂંટણીમાં પોતાની સ્થિતિ મજબૂત કરવા માંગતુ હતું, આ કારણોસર, ભાજપ એ લઘુમતી ઉમેદવારોનો આશરો લીધો છે. પરંતુ અહીં હિન્દુ મત પણ ડાબેરી પક્ષોમાં વહેંચાયેલો છે. આવી સ્થિતિમાં માત્ર હિન્દુ મતોની મદદથી અહીં જીતવું શક્ય નથી.ગ્રામ પંચાયતની 94૧ બેઠકોમાંથી LDF પાસે 516 અને યુડીએફ પાસે 375 બેઠકો છે.

કેરળ સ્થાનિક સંસ્થાના ચૂંટણી પરિણામો:

ગ્રામ પંચાયત - 941
LDF -516
UDF-375
એનડીએ -22
અન્ય -28

બ્લોક પંચાયત -152
LDF -108
યુડીએફ -44

જીલ્લા પંચાયત -14
LDF -10
યુડીએફ -4
પાલિકા-86.
LDF -35
યુડીએફ -45
એનડીએ -2
અન્ય -4

કોર્પોરેશન - 6
LDF -3
યુડીએફ -3

વિધાનસભાની ચૂંટણી પહેલા આ ચૂંટણીઓ લિટમસ ટેસ્ટ તરીકે માનવામાં આવતી હતી. આવી સ્થિતિમાં, LDFની જોરદાર જીતથી ગદગદ કેરળના સીએમ પિનરાઈ વિજયને કહ્યું કે સ્થાનિક બોડીની ચૂંટણીમાં LDF ને મોટી સફળતા મળી છે. આ રાજ્યની જનતાની જીત છે. આ ચૂંટણી પરિણામો રાજ્યને બરબાદ કરવા માટે વલણ ધરાવતા લોકો માટે યોગ્ય જવાબ છે.