શાહરૂખ ખાન કેટરિના કૈફ અને અનુષ્કા શર્મા આનંદ એલ.રાયની ફિલ્મમાં જોવા મળશે. 'કેટરિના મેરી જાન' નામાંની આ ફિલ્મમાં કેટરિના પોતે જ પોતાનું કેરેક્ટર પ્લે કરી રહી છે જ્યારે શાહરૂખ ખાન તેના મોટા ફેનનો રોલ પ્લે કરી રહ્યો છે. મળતી માહિતી અનુસાર કેટરિનાએ આ ફિલ્મનું નામ બદલવા માટે ડિરેક્ટર આનંદ એલ.રાય સાથે વાત પણ કરી છે.
કેટરિનાએ ફિલ્મનું નામ બદલવા માટે જણાવ્યું હતું કે 'હું ફિલ્મમાં એક એક્ટર છું પણ પોતાનું પાત્ર નથી ભજવી રહી. હું ફિલ્મમાં કેટરીના કૈફ નથી ફિલ્મમાં મારું નામ અલગ છે એટલે ફિલ્મનું નામ 'કેટરીના મેરી જાન' તો હોઈ જ ન શકે. જો કે સૂત્રોના જણાવ્યા અનુસાર 'ફિલ્મની સ્ટોરી કેટરીનાને કેટરીના રોલમા ધ્યાન રાખીને અને શાહરુખને તેના બહુ મોટા ફેન તરીકે ધ્યાનમાં લઈને જ લખવામાં આવી હતી. કેટરીના ફિલ્મનું નામ એટલા માટે બદલવા માગે છે કે લોકોને એવું ન લાગે કે ફિલ્મ તેના જીવન પર આધારિત છે.
સૂત્રો જણાવ્યા અનુસાર ફિલ્મ બતાવવામાં આવ્યુ છે કે કેરટિનાનું પોતાના બોયફ્રેન્ડની સાથે બ્રેકઅપ થાય છે. હાલમાં જ કેટરિનાનું રણબીર કપૂરની સાથે બ્રેકઅપ પણ થયુ છે. આવામાં એવું લાગી રહ્યુ છે કે ફિલ્મ સંપૂર્ણ રીતે કેટરિનાની જીંદગી પર આધારિત છે. એટલા માટે જ કેટરિના ફિલ્મનું નામ બદલવાની વાત કરી રહી છે.