અમદાવાદ / પપ્પા આ ક્લિપ તમને મળશે તેની બીજી મિનિટે હું નહીં હોઉં, ASIની ગુમ થયેલી દીકરીની AUDIO ક્લિપ આવી સામે

• 5 દિવસથી ASIની દિકરી ગુમ 
• સાસરીયાઓ દિકરીને આપતા હતા ત્રાસ 
• ASIએ તેની દિકરીના PI સસરા સામે નોંધાવી ફરિયાદ 

અમદાવાદના  ASI ગીરીશદાન ગઢવીની દીકરી છેલ્લા 5 દિવસથી ગાયબ છે. જેથી આજે ASI ગીરીશદાન ગઢવીએ પોલીસમાં ફરિયાદ નોંધાવી છે. તેમના જમાઈ તેમજ સસરા સામે કૃષ્ણનગર પોલિસમાં ફરિયાદ નોંધાવી છે. જેના કારણે હવે પોલીસ પણ દોડતી થઈ ગઈ છે. જોકે પોલીસને હજું સુધી દિકરીની કોઈ ભાળ નથી મળી. 

સસરા ભરૂચમાં PI 

ASI ગીરીશદાન ગઢવી અમદાવાદના રિવરફ્ર્ન્ટ પોલીસ મથકે ફરજ બજાવે છે. તેમણે તેમની દિકરીના સસરા સામે પણ ફરિયાદ નોંધાવી છે. તેમની દિકરીના સસરા ભરૂચમાં પોલીસ ઈન્સ્પેક્ટર તરીકે ફરજ બજાવે છે. તેમજ તેમનું નામ પ્રતાપદાન ગઢવી હોવાનું સામે આવ્યું છે. 

પતિ શારિરીક ત્રાસ આપતો હતો 

પીડિતાના સસરા અને તેનો પતિ તેને અસહ્ય ત્રાસ આપતા હતા. જેના કારણે તે કંટાળી ગઈ હતી. આ મામલે તેણે તેના પિતાને પણ જાણ કરી હતી. યુવતીનો પતિ અશ્લિલ વીડિયો જોઈને તેની સાથે સૃષ્ટિ વિરુદ્ધનું કૃત્ય કરવા માટે દબાણ કરતો હતો. સાથેજ તેને શારિરીક ત્રાસ પણ આપતો હતો. જેથી યુવતી કંટાળી ગઈ હતી. 

દિકરીએ ઓડિયો ક્લીપ મોકલી હતી 

ગાયબ થયેલ યુવતીએ છેલ્લા સુસાઈડ નોટ લખી હતી. સાથેજ તેના પિતાને ઓડિયો ક્લીપ પણ મોકલી હતી. જેના કારણે તેના પિતા હાલ ડરી ગયા છે. યુવતીએ સુસાઈડ કરી છે કે નથી કરી તે મામલે હજુ કોઈ માહિતી સામે નથી આવી. આ મામલે પોલીસે લોકેશનને આધારે પણ તપાસ આરંભી છે. જેમા તેનું છેલ્લુ લોકેશન કેનાલ પાસેથી મળી આવ્યું છે. ફાયરબ્રિગેડ દ્વારા કેનાલમાં તપાસ પણ કરવામાં આવી છે. પરંતુ હજું સુધી યુવતી વીશે કોઈ માહિતી સામે નથી આવી. 

દહેજમાં મકાનની માગ 

ઉલ્લેખનીય છે કે સમગ્ર મામલે પિતાએ એવા આક્ષેપ કર્યા છે. કે તેમની દિકરીના સાસરીયાઓ દેહજમાં મકાનની માગ પણ કરી રહ્યા હતા. જેથી આ સમગ્ર મામલે પોલીસ દ્વારા યુવતીના પતિ અને તેના સસરા સહિત કુલ 8 લોકો સામે ફરિયાદ નોંધવામાં આવી છે. સાથેજ પોલીસ યુવતીની તપાસ પણ કરી રહી છે.