ફાગણ સુદ પૂનમની રાતે હોળાષ્ટક પૂર્ણ થતાં જ લગ્નની સિઝન બે દિવસ માટે શરૂ થઇ હતી. ગઈ કાલ પછી આજે ૧ર માર્ચે લગ્નનું છેલ્લું મુહૂર્ત છે. ૧૪ માર્ચ શનિવારથી મીનારકનો પ્રારંભ થતાં ફરી લગ્ન અને શુભ કાર્ય માટે ૧ મહિના અને ૪ દિવસ રાહ જોવી પડશે. ૧૬ એપ્રિલે લગ્નનું પ્રથમ મુહૂર્ત આવશે અને ૩૦ જૂને છેલ્લા મુહૂર્ત બાદ છેક નવેમ્બરમાં લગ્નની મોસમનો પ્રારંભ થશે.
હોળાષ્ટક પૂર્ણ થતાં શરૂ થશે લગ્નની સિઝન
એપ્રિલથી જૂન સુધીમાં ફક્ત સોળ દિવસ જ રહેશે મૂહૂર્ત
આ વર્ષે કુલ 23 દિવસ રહેશે લગ્નના મૂહૂર્ત
એપ્રિલથી જૂન સુધીમાં ફક્ત સોળ દિવસ જ રહેશે મૂહૂર્ત
આ વર્ષે પાંચ ગ્રહણ, હોળાષ્ટક અને ગુરુ-શુક્રના અસ્તના કારણે લગ્નનાં મુહૂર્ત માંડ ૪૩ દિવસ હતાં, જેમાં હવે એપ્રિલથી જૂન સુધીમાં ફક્ત સોળ દિવસ જ રહેશે. ત્યાર પછી છેક નવેમ્બરની રપમી સુધી લગ્નનાં મુહૂર્ત નથી. આ વર્ષે આસો મહિનો અધિક મહિનો છે.
આથી કારતકમાં લગ્નની સિઝનનો પ્રારંભ જે નવેમ્બરથી થતો હતો તે આ વર્ષે નહીં થાય. તેમાં પણ રપ નવેમ્બરે કારતક સુદ એકાદશીએ તુલસી વિવાહ સાથે લગ્નની મોસમના પ્રારંભ બાદ પ્રથમ મુહૂર્ત આવશે, જેમાં ફક્ત બે જ દિવસ લગ્ન છે. ત્યારબાદ ડિસેમ્બર-ર૦ર૦માં પાંચ દિવસ લગ્નનાં મુહૂર્ત છે.
આ વર્ષે કુલ 23 દિવસ રહેશે લગ્નના મૂહૂર્ત
આમ વર્ષ ર૦ર૦માં સોળ અને સાત મળી કુલ ર૩ દિવસ લગ્નનાં મુહૂર્ત રહેશે, જેમાં ૩૦ જૂન બાદ ૪ મહિના અને રપ દિવસ માટે લગ્ન બંધ રહેશે. ર૦ર૧માં લગ્નનાં મુહૂર્તનો પ્રારંભ ૧૮ જાન્યુઆરીએ મકરસંક્રાંતિ બાદ થશે. એપ્રિલ માસમાં ૧૬, ર૬, મે માસમાં ર, પ, ૬, ૮, ૧૪, ૧૭, ૧૮, ૧૯, જૂન માસમાં ૧૧, ૧૪, ૧પ, રપ, ર૯, ૩૦, નવેમ્બર માસમાં રપ, ૩૦ અને ડિસેમ્બર માસમાં ૧, ૭, ૮, ૯, ૧૧ના રોજ આટલાં શુભ મુહૂર્ત આવશે.