આબૂ ધાબીમાં આકાર લઇ રહેલા પ્રથમ હિંદુ મંદિરના પથ્થરોમાં ભારતમાં હિંદુ મહાકાવ્યો, ધર્મગ્રંથો અને પ્રાચીન કથાઓના દ્રશ્યને અંકિત કરવામાં આવી રહ્યા છે. મંદિર દ્વારા આ પથ્થરો અને અંતિમ ડિઝાઈનની તસવીરો અને વીડિયો જાહેર કરવામાં આવ્યો છે.
ગલ્ફ દેશમાં પ્રથમ હિંદુ મંદિરના નિર્માણની તૈયારીઓ પૂરજોશમાં
ગુજરાત અને રાજસ્થાનમાં પથ્થરોનું કરવામાં આવ્યું નકશીકામ
મંદિરમાં ઉપયોગમાં લેનાર પથ્થરોની તસવીરો સામે આવી
ગત વર્ષે એપ્રિલ મહિનામાં જ આ મંદિરની આધારશીલા મૂકવામાં આવી હતી અને ડિસેમ્બર મહિનામાં નિર્માણ કાર્ય શરુ કરવામાં આવ્યું હતું. મંદિરમાં નવી તસવીરો બહાર પાડવામાં આવી છે જેમાં મંદિરની અંતિમ ડિઝાઈન અને મંદિર નિર્માણનો વિકાસ જોઈ શકાય છે.
જે તસવીરો સામે આવી છે તેમાં મંદિરમાં પરિસરમાં એક મોટું એમ્ફીથિયેટર પણ છે અને સાથે સાથે પુસ્તકાલય, સામુદાયિક કેન્દ્ર અને મજલીસ પણ બનાવવામાં આવી રહી છે.
મંદિરના પ્રવકતા અશોક કોટેચાએ કહ્યું કે માસ્ટર પ્લાન અનુસાર ડીઝાઈનને 2020ની શરૂઆત પૂરી કરવામાં આવી છે અને ઐતિહાસિક મંદિરનું કામ ભારત-UAEના નેતૃત્વમાં આગળ વધી રહ્યું છે.
કોવિડ 19ના પડકારો છતાં મહામારી દરમિયાન પણ ભારતમાં પથ્થરોનું નકશીકામ કરવામાં આવ્યું હતું.
મંદિરમાં પત્થરોના નકશીકામ દ્વારા વાસ્તુકળા અને પ્રાચીન કળાને પુનર્જીવિત કરવામાં આવી છે, નકશીકામમાં ભારતના ભૂગોળ અને હિંદુ આસ્થા પ્રણાલીઓને દર્શાવવામાં આવી છે.
રામાયણ, મહાભારત, પુરાણ અને ક્ષેત્રીય ઈતિહાસને પણ નકશીકામમાં સામેલ કરવામાં આવે છે. નોંધનીય છે કે પીએમ મોદી પણ મંદિરની આધારશીલા દરમિયાન સામેલ થયા હતા.
મંદિરના પ્રવક્તાએ કહ્યું કે કારીગરોએ ગુજરાત અને રાજસ્થાનના વિવિધ સ્થળોમાં 25 હજાર ક્યુબિક ફૂટ પથ્થરો માટે નકશીકામ કર્યું છે. સંગમરમર ઇટાલીથી લાવવામાં આવશે જ્યારે બલુઆ પત્થર રાજસ્થાનનાં છે.
ગલ્ફ દેશમાં આ પહેલું હિંદુ મંદિર છે અને એમાં પણ તેની અંતિમ ડીઝાઈન તથા કોન્ક્રિટ ભરવાનું કામ પૂર્ણ થઇ જવાના કારણે મહત્વપૂર્ણ પડાવ પાર કરી લેવામાં આવ્યો છે.