રિઝર્વ બેંક ઑફ ઈન્ડિયા RBI ની નાણાકીય નીતિ સમિતિ MPC ની ત્રણ દિવસીય બેઠકનાં પરિણામો આવ્યા છે. RBI ના ગવર્નર શક્તિકાન્તા દાસે નાણાકીય નીતિ સમીક્ષાની જાહેરાત કરી છે. આ બેઠકમાં સૌથી ખાસ લોકોની નજર વ્યાજ દરો પર રહેવાની હતી, જેમાં RBI યથાવત રાખ્યા છે.
RBI ની નાણાકીય નીતિ સમિતિ MPCના પરિણામ જાહેર
RBI ગવર્નર શક્તિકાન્તા દાસે કરી મહત્વની જાહેરાત
વ્યાજ દરોમાં કોઈ પણ ફેરફાર કરવામાં આવ્યો નથી
RBI ની મોનેટરી પોલિસી કમિટીની બેઠકમાં જેના પર સૌથી વધુ લોકોની નજર રહેવાની હતી તે બેન્કના વ્યાજ દરોમાં કોઈ પણ ફેરફાર કરાયા નથી અને અવધુ એકવાર આ દરોને યથાતથ રાખવામાં આવ્યા છે. આ દરોમાં ફેરફાર નહીં થવાનો અર્થ એ છે કે સામાન્ય લોકોને તેમની લોન EMI પર રાહત મળી નથી. RBI એ રેપો રેટ 4% અને રિવર્સ રેપો રેટ 3.35% પર જાળવી રાખ્યો છે.
કોન્ટેક્ટલેસ કાર્ડથી ચૂકવણીની મર્યાદા વધી
RBI એ કહ્યું છે કે કોન્ટેક્ટલેસ કાર્ડની ચૂકવણી લિમિટ 2000 રૂપિયાથી વધારીને 5000 રૂપિયા કરવામાં આવશે. આ નિર્ણય 1 જાન્યુઆરી 2021 થી લાગુ થશે. તેની સાથે જ આગામી કેટલાક દિવસોમાં, RTGS દ્વારા મની ટ્રાન્સફર કરવાની સુવિધા 24 કલાક મળશે.
અર્થવ્યવસ્થામાં સુધારો આવી રહ્યો છે : RBI
RBI ગવર્નર શક્તિકાન્તા દાસે કહ્યું કે ગ્રામીણ અને શહેરી બંને વિસ્તારોમાં આર્થિક પ્રવૃત્તિઓ વધી રહી છે. રિકવરીમાં હવે કેટલાક નવા ક્ષેત્રો પણ ઉમેરાયા છે. અનલોક થયા બાદ શહેરી ક્ષેત્રોની ડિમાન્ડમાં વધારો થયો છે, ગ્રાહકને આશા છે અને અર્થતંત્ર એ ધારણા કરતા ઝડપી રિકવરી દર્શાવી છે. નાણાકીય વર્ષ 2020-21માં જીડીપી ગ્રોથ 7.5% રહેશે, જેનો અર્થ છે કે તે ઘટશે. આગામી ક્વાર્ટરમાં GDP વૃદ્ધિનો અંદાજ 0.1 ટકા અને ચોથા ક્વાર્ટરમાં તે 0.7 ટકા છે.
મોંઘવારીમાં થઈ શકે છે વધારો
RBI ગવર્નરે કહ્યું કે દેશમાં ફુગાવો ઊંચો રહેવાની સંભાવના છે. તેમણે કહ્યું કે CPI આધારિત ફુગાવો એટલે કે છૂટક ફુગાવો ચાલુ નાણાકીય વર્ષના ત્રીજા ક્વાર્ટરમાં 6.8% રહેવાની ધારણા છે. તે જ સમયે, તે ચોથા ક્વાર્ટરમાં તે 5.8% હોઈ શકે છે. RBI એ આશા વ્યક્ત કરી હતી કે નાણાકીય વર્ષ 2021-22ના પ્રથમ છ મહિનામાં ફુગાવો 5.2% થી 4.6% ની વચ્ચે રહેશે.
બેન્કોને મળી ડિવિડન્ડ ન ચૂકવવાની છૂટ
RBI ગવર્નર શક્તિકાન્તા દાસે કહ્યું કે દેશની તમામ વ્યાપારી અને સહકારી બેંકોને નાણાકીય વર્ષ 2021 માટે ડિવિડન્ડ જાહેર ન કરવા જણાવ્યું છે. વર્ષ 2020 માં મળેલ નફો તેઓ પોતાની પાસે રાખે જેથી કરીને બેંકલોની સ્થિતિ મજબૂત બની શકે.