આજકાલની લોકો ભાગદોડ વાળી જીંદગીમાં ખાણીપીણી પર ધ્યાન આપી શકતા નથી. તો કેટલીક વખતે વ્યસ્ત શેડ્યૂલના કારણે એક્સર્સાઇઝ પણ કરી શકતા નથી. જો આજે અમે તમને જણાવીએ છીએ કે હાઈ ઇન્ટેન્સિટી એક્સર્સાઇઝ કરવાથી 30 ટકા કેલરી વધુ ખર્ચ કરી શકો છો.
હાઈ ઇન્ટેન્સિટી ઇન્ટરવલ ટ્રેનિંગ (એચઆઇઆઇટી)થી ઓછા સમયમાં વધુ કેલરી બર્ન કરી શકાય છે. એવા વર્કઆઉટ જેને ખુબ ઝડપથી કરી શકાય છે. કાર્ડિયો અ સ્ટ્રેન્થ ટ્રેનિંગથી વધુ ફાયદો મળે છે. તેને એથ્લીટ વર્કઆઉટ પણ કહેવાય છે. 20થી 30 મિનિટ સુધી આ એક્સર્સાઇઝ કરી શકાય છે. સામાન્ય વ્યાયામની સરખામણીમાં 25થી 30 ટકા વધુ કેલરી બર્ન થઇ શકે છે.
એક્સર્સાઇઝ ત્રણ પ્રકારની હોય છે. પહેલી શોર્ટ ટર્મ એક્સર્સાઇઝ જે 9થી 10 મિનિટ કરવામાં આવે છે. બીજી ઇમિડિએટ એનર્જી એક્સર્સાઇઝ જે 9થી 10 સેકન્ડ કરવામાં આવે છે. ત્રીજી લોંગ ટર્મ એનર્જી એક્સર્સાઇઝ જે 20 મિનિટથી વધુ કરવામાં આવે છે. તેને એરોબિક એકસર્સાઇઝ કહેવાય છે.
એચઆઇટી એક્સર્સાઇઝમાં પહેલા વોર્મઅપ કરે છે. પહેલા ઉચ્ચ તીવ્રતાવાળી પછી સ્લો ઇન્ટેસિટી ઇન્ટરવલ ટ્રેનિંગ. તેમા રોપ એક્સર્સાઇઝ, રનિંગ, જોગિંગ, સીડી કે પહાડી ચઢાણ સામેલ છે. એચઆઇઆઇટી એક્સર્સાઇઝ કરવાથી મેટાબોલિઝમ વધે છે. તેનાથી કેલરી બર્નિંગની ક્ષમતા વધે છે. મેટાબોલિઝમ વધવાથી શરીરમાં જમા ફેટ ઝડપથી ખર્ચાય છે. તેથી વજન ઘટે છે અને બ્લડ શુગર પણ નિયંત્રણમાં રહે છે. હાઇપરટેન્શન, ઘુંટણનો દુખાવો કે કોઇ ઇજા થઇ હોય તો ડોક્ટરની સલાહ વગર કોઇ પણ પ્રકારની એક્સર્સાઇઝ ન કરવી જોઇએ.