હાઈ બીપીવાળા લોકો માટે કેટલીક ચા એવી છે જેની મદદથી તેમને બ્લડ પ્રેશર કંટ્રોલ કરવામાં મદદ મળે છે. તો ચાલો જાણીએ કઈ એવી હર્બલ ટી છે જે બીપીને કંટ્રોલમાં રાખશે.
બદલાતી જીવનશૈલી હાઈ બીપી માટે જવાબદાર
આ 4 હર્બલ ટી તમને બીપી કંટ્રોલ કરવામાં કરશે મદદ
જાણો તેના ફાયદાઓ વિશે
બદલાતી જીવનશૈલીના કારણે મોટાભાગના લોકો હાઈ બીપીના શિકાર બની જાય છે. તેઓને પછી દવાઓના સહારે જીવન વિતાવવું પડે છે. જો કે આવા લોકો પોતાના ડાયટમાં કેટલીક એવી ચાનો સમાવેશ કરી શકે છે જેની મદદથી બીપી કંટ્રોલ કરી શકાય છે. તો ચાલો જાણીએ એવી કઈ પાંચ હર્બલ-ટી છે, જેની મદદથી વધેલા બીપીને કંટ્રોલમાં રાખી શકાય છે.
ગ્રીન ટી
જેમ કે બધા જાણતા હશે કે ગ્રીન ટી પીવાથી તમારું વજન કંટ્રોલમાં રહે છે. આની મદદથી તમારું બીપી પણ કંટ્રોલમાં રહેશે. એટલે કે તમે તમારા બીપીને કુદરતી રીતે નિયંત્રિત કરી શકો છો. તેથી તમારા ડાયેટમાં ગ્રીન ટીને ચોક્કસથી સામેલ કરો.
જાસુદની ચા
જાસુદની ચાથી પણ વધેલુ બીપી કંટ્રોલમાં રહી શકે છે. તમને જણાવી દઈએ કે આ ચા ગ્રીન ટી જેવા એન્ટીઓક્સીડેન્ટથી ભરપૂર છે. આને પીવાથી બ્લડપ્રેશર કંટ્રોલમાં રહે છે. જો કે તમારે તેનું સેવન કરતા પહેલા તમારા ડૉક્ટરની સલાહ લેવી જોઈએ.
ઓલોંગ-ટીથી પણ કંટ્રોલમાં રહેશે બીપી
હાઈ બ્લડ પ્રેશરમાં ઓલોંગની ચા પણ ખૂબ જ ફાયદાકારક છે. તમે તેને તમારી ડાયેટમાં પણ સામેલ કરી શકો છો. તમને જણાવી દઈએ કે સમગ્ર વિશ્વમાં ઘણા લોકો દરરોજ તેનું સેવન કરે છે. તે એન્ટીઑકિસડન્ટોથી પણ ભરપૂર છે, જે હાઈ બીપી ઘટાડવામાં મદદરૂપ છે.
લસણની ચા
બહુ ઓછા લોકો જાણતા હશે કે લસણની ચા તમારા સ્વાસ્થ્ય માટે પણ ખૂબ જ ફાયદાકારક છે. તમને આ ચા ભલે કડવી લાગતી હોય, પરંતુ તે બીપી કંટ્રોલમાં ખૂબ જ ફાયદાકારક છે.