ફિલ્મ માટે અક્ષય કુમાર, સુનીલ અને પરેશ રાવલે મુંબઈના એમ્પાયર સ્ટૂડિયોઝમાં મીટિંગ કરી હતી. બાદમાં હવે ફિલ્મનું શૂટિંગ શરુ થયું છે. ફિલ્મનો પ્રથમ ભાગ વર્ષ 2000, બીજો ભાગ 2006માં આવ્યો હતો.
17 વર્ષ બાદ ફિલ્મનો ત્રીજો ભાગ બનવા જઈ રહ્યો છે
અક્ષય કુમારની વાપસીએ ન માત્ર ચાહકોને ચોંકાવ્યું
આ ફિલ્મ માટે કાર્તિક આર્યનનો સંપર્ક કરવામાં આવ્યો હતો
Hera Pheri 3: જો તમે ફિલ્મ હેરા ફેરી 3ની ખૂબ જ આતુરતાથી રાહ જોઈ રહ્યા છો, તો અમે તમારા માટે ફિલ્મ સાથે જોડાયેલી એક ખુશખબરી લઈને આવ્યા છીએ. ભુલ ભુલૈયા 2 બાદ સાંભળવામાં આવ્યું હતું કે હેરા ફેરી 3માં અક્ષય કુમારની જગ્યાએ કાર્તિક આર્યન જોવા મળશે. પરંતુ આ માહિતી પર પૂર્ણવિરામ લાગી ગયું છે. કારણ કે ફિલ્મની સિક્વલમાં તમને બાબૂ ભૈયા અને ઘનશ્યામની સાથે રાજૂની ભૂમિકામાં અક્ષય કુમાર જ જોવા મળશે.
શરુ થયું હેરા ફેરી 3નું શૂટિંગ
હેરા ફેરી 3નું નિર્દેશન અનીઝ બઝ્મી નહીં પરંતુ ફરહાદ સામજી કરવાના છે. જ્યારે ટાઈમ્સ ઓફ ઈન્ડિયાના સમાચાર મુજબ ફિલ્મનું શૂટિંગ શરુ થઈ ગયું છે. થોડા સમય પહેલા અક્ષય કુમારે એમ કહીને ફિલ્મથી દૂર થયો હતો કે તેને સ્ક્રિપ્ટ પસંદ નહોતી. એવામાં ફિલ્મમાં અક્ષય કુમારની વાપસીએ ન માત્ર ચાહકો પરંતુ બોલીવૂડને પણ હેરાન કરી દિધુ છે.
કાર્તિક નહીં ભજવે રાજૂનું પાત્ર
મળેલ માહિતી અનુસાર હવે, કાર્તિક આર્યન આ ફિલ્મ નથી કરી રહ્યો પરંતુ તેને આ ફિલ્મ માટે સંપર્ક કરવામાં આવ્યો હતો. કહેવામાં આવી રહ્યું હતું કે તે અક્ષયના હિસ્સાને ફરી રીક્રિએટ કરશે. પછી સુનિલ શેટ્ટીએ તેના પર વાત કરતા જણાવ્યું કે કાસ્ટિંગમાં કદાચ કંઈક હેરા ફેરી થઈ હતી, પરંતુ તેને ખબર નહોતી કે આ બધુ કઈ રીતે થયું. મને લાગે છે કે અક્ષયને પરત લાવનારા ફિરોજ અને સુનીલ જ હશે.
17 વર્ષ બાદ બની રહ્યો છે ત્રીજો ભાગ
એક સપ્તાહ પહેલા સમાચાર સામે આવ્યાં હતાં કે ફિલ્મ માટે અક્ષય કુમાર, સુનીલ અને પરેશ રાવલે મુંબઈના એમ્પાયર સ્ટૂડિયોઝમાં મીટિંગ કરી રહ્યાં છે. અને હવે બાદમાં ફિલ્મનું શૂટિંગ શરુ થયું છે. ફિલ્મનો પ્રથમ ભાગ વર્ષ 2000, બીજો ભાગ 20006માં આવ્યો હતો. હવે 17 વર્ષ બાદ ફિલ્મનો ત્રીજો ભાગ બનવા જઈ રહ્યો છે.