હૈદરાબાદ રૅપ કેસ / આરોપીઓના એન્કાઉન્ટર બાદ પીડિતાના પિતા બોલ્યા, મારી દીકરીની આત્માને શાંતિ મળશે

• હૈદરાબાદ દુષ્કર્મ કેસમાં આરોપીઓના એન્કાઉન્ટર
• પીડિતાના પિતાએ કહ્યું, મારી દીકરીની આત્માને શાંતિ મળશે
• પીડિતાની માતાએ આપ્યું હતું આ નિવેદન

પીડિતાના પિતાએ કહી આ વાત

હૈદરાબાદની ઘટનાને લઈને દેશભરમાં આક્રોશ જોવા મળી રહ્યો છે. દરેક લોકો આરોપીઓને જલ્દી જ ફાંસીની સજા આપવાની માંગ કરી રહ્યા હતા. આ સમયે પીડિતાના પિતાએ કહ્યું છે કે પોલીસ અથડામણમાં ઠાર મરાયેલા ચારેય આરોપીઓને લઈને કહ્યું કે મારી દીકરીના મોતને 10 દિવસ થઈ ચૂક્યા છે. હું આ માટે પોલીસ અને સરકારનો આભાર વ્યક્ત કરું છું. હવે મારી દીકરીની આત્માને શાંતિ મળશે. 

Father of the woman veterinarian on all 4 accused killed in police encounter: It has been 10 days to the day my daughter died. I express my gratitude towards the police & govt for this. My daughter's soul must be at peace now. #Telangana pic.twitter.com/aJgUDQO1po

— ANI (@ANI) December 6, 2019

પીડિતાની માતાએ કહ્યું હતું આરોપીઓને જીવતા સળગાવી દો

27 નવેમ્બરે આરોપી મદદના બહાને પીડિતાને સુમસામ જગ્યાએ લઈ ગયા હતા. જ્યાં તેઓએ પહેલાં તેની સાથે હેવાનિયત ભર્યું કામ કર્યુ અને પછી તેની પર પેટ્રોલ છાંટીને તેને સળગાવી દીધી હતી. આ ઘટનાને લઈને દેશભરમાં રોષ જોવા મળ્યો હતો. દિલ્હીના નિર્ભયાકાંડની યાદ અપાવી દેનારી આ ઘટનાના આરોપીઓને ફાંસી પર ચઢાવવાની માંગ થઈ રહી હતી. એક આરોપી કેશવુલુની માતાએ કહયું હતું કે પીડિતા સાથે જેવું થયું તેવું જ તેમની સાથે કરો. તેમને પણ એ જ રીતે સળગાવી દો.