સાવધાન / નવી બીમારી? બાળકમાં જોવા મળી આ રહસ્યમયી બીમારી, 10 લક્ષણ જોવા મળે તો તરત પહોંચી જજો દવાખાને

• બાળકોમાં રહસ્યમયી બીમારીની દસ્તક 
• પેરેન્ટ્સે આ વાતોનું રાખવું ખાસ ધ્યાન 
• WHOએ પણ તેને લઈને એલર્ટ જાહેર કર્યું

કોરોના વાયરલ મહામારીનો ખતરો હજુ ટળ્યો નથી કે બાળકોમાં એક રહસ્યમયી બીમારીએ દસ્તક આપી દીધી છે. બાળકોમાં હિપેટાઇટિસના કેસ અચાનક વધી ગયા છે. જેને લઈને પેરેટ્સને ચેતાવણી આપવામાં આવી છે. આખી દુનિયામાં એક્સપર્ટ આ બીમારીનું કારણ જાણવાનો પ્રયત્ન કરી રહ્યા છે. બાળકોમાં હિપેટાઇટિસના અત્યાર સુધી કુલ 169 કેસ સામે આવ્યા છે. જેમાં સૌથી વધારે બ્રિટનમાં (114) છે. WHOએ પણ તેને લઈને એલર્ટ જાહેર કર્યું છે. 

એક્સપર્ટ જણાવી રહ્યા છે કે મોટાભાગના બાળકોમાં ડાયેરિયા અને ઉપકા જેવી સમસ્યાઓ જોવા મળી રહી છે. તેના ઉપરાંત, ત્વચામાં પીળાસ અથવા જોન્ડિસ જેવા લક્ષણો સામે આવી રહ્યા છે. યુકેની હેલ્થ સિક્યોરિટી એજન્સીના અધિકારીઓનું કહેવું છે કે બીમારીના પેટર્નથી જાણકારી મળે છે કે એડિનોવાયરસ ઈન્ફેક્શન આ મામલાના વધવાનું અસલ કારણ છે. રિપોર્ટ અનુસાર, વર્ષની શરૂઆતમાં જે બાળકોમાં હિપેટાઇટિસની તપાસ કરવામાં આવી હતી તેમાંથી લગભગ 75 ટકાની પુષ્ટિ થઈ છે. 

1-5 વર્ષના બાળકોમાં ખતરો વધારે 
મહત્વની વાત એ છે કે તેમાંથી લગભગ 16 ટકા બાળકો કોવિડ-19ના શિકાર હતા. માટે કમ્યુનિટીમાં ઈન્ફેક્શનનું હાઈ લેવલ પણ તેનું એક કારણ થઈ શકે છે. લેબ ડેટા અનુસાર, આ વાયરસ 1થી 5 વર્ષના બાળકોમાં ફેલાઈ રહ્યું છે. UKHSAમાં ક્લીનિકલ એન્ડ ઈમર્જિંગ ઈન્ફેક્શન્સના ડાયરેક્ટર ડૉ. મીરા ચંદ કહે છે. 'હિપેટાઇટિસના લક્ષણોને લઈને પેરેન્ટ્સને એલર્ટ કરવા જોઈએ. બીમારીઓના લક્ષણ દેખાવવા પર તરત હેલ્થકેર પ્રોફેશનલ્સનો સંપર્ક કરો.' 

હિપેટાઇટિસના લક્ષણો 

• યુરિન પીળાશ પડતુ આવવું 
• પીળુ અથવા ગ્રે કલરનું મળ 
• સ્કિનમાં ખંજવાડ 
• આંખ કે સ્કિનનું પીળુ પડી જવું 
• મસલ્સમાં દુખાવો અથવા સાંધામાં દુખાવો 
• ખૂબ તાવ આવવો 
• બીમાર મહેસુસ કરવું 
• કારણ વગર થાક લાગવો 
• ભૂખ ન લાગવી 
• પેટમાં દુખાવો