સક્સેસ / ખુશખબરઃ ભારતીય વૈજ્ઞાનિકનો દાવો, આ દવા કોરોનાના સંક્રમણને રોકવામાં સફળ

• જામિયા મિલિયા ઈસ્લામિયાના વૈજ્ઞાનિકોએ શોધી કોરોનાની દવા
• દવા માટે ડ્રગ રિપ્રોઝિંગ 3 ડીનો ઉપયોગ કરવામાં આવ્યો
• સંશોધનને પ્રતિષ્ઠિત જર્નલ બાયોસાયન્સ રિપોર્ટ દ્વારા પણ માન્યતા મળી છે

આ બંને દવાઓ કોરોના દર્દીઓની સારવારમાં અસરકારક છે. પરંતુ પહેલા આનું ક્લિનિકલ ટ્રાયલ  થવું જોઈએ. જામિયાના આ સંશોધનને પ્રતિષ્ઠિત જર્નલ બાયોસાયન્સ રિપોર્ટ દ્વારા પણ માન્યતા મળી છે.

સીઆઈઆરબીએસસીના સંશોધન ટીમના મુખ્ય વૈજ્ઞાનિક ડૉ. ઇમ્તિયાઝ હસનના મતે પ્રયોગશાળામાં કોરોનાના મુખ્ય પ્રોટીનનાં પ્રકાશિત ક્રિસ્ટલ બંધારણની મદદથી દવાઓનો સંભવિત મેડિકલ વિકલ્પ શોધવાનો પ્રયાસ કરવામાં આવ્યો છે.

આ શોધમાં ગ્લેકાપ્રીવિર અને મારવીયોક કોરોનાના મુખ્ય પ્રોટીનના સર્વશ્રેષ્ઠ અવરોધકો તરીકે ઓળખવામાં આવી છે. તેનો કોરોના માટે વૈકલ્પિક સારવાર તરીકે ઉપયોગ કરી શકાય છે. આમાંથી, ગ્લેકપ્રીવિર એક એન્ટિ-વાયરલ દવા છે. જેનો પ્રયોગ હેપેટાઇટિસ સી વાયરસથી સંક્રમિત દર્દીઓની સારવારમાં વપરાય છે. જ્યારે એચ.આઈ.વી સંક્રમણને રોકવા માટે મારવીયોકનો ઉપયોગ થાય છે.

ડ્રગ રિપ્રોઝિંગ 3 ડીમાં કરવામાં આવ્યું

ડૉ. હસનના જણાવ્યા મુજબ આ દવાઓએ કોરોના સામે અસરકારક અને સલામત દવાઓ વિકસાવવા વૈકલ્પિક અભિગમ આપ્યો છે. કોરોના રોગચાળાને ટાળવા માટે હાલની દવાઓનો ઉપયોગ કરીને તાત્કાલિક અસરકારક સારવાર શોધવાની જરૂર છે. આ પ્રક્રિયાને ડ્રગ રિપોઝિંગ કહેવામાં આવે છે. આમાં કમ્પ્યુટર રચિત ડ્રગ ડિઝાઇન ટેકનિકનો ઉપયોગ કર્યા પછી પ્રમુખ વાયરલ પ્રોટીનના વિગતવાર 3 ડી સ્ટ્રક્ચર્સનો અભ્યાસ કર્યા પછી ડ્રગ રિપ્રોઝિંગ દ્વારા અસરકારક દવાઓની ઓળખ થઈ શકે છે.