ક્રિકેટ / હવેથી આ ખેલાડીઓ ક્યારેય નહીં બની શકે 'ઇમ્પેક્ટ પ્લેયર', જાણો શું હોય છે આ નિયમ

• આઈપીએલમાં પણ 'ઈમ્પેક્ટ પ્લેયર'નો નિયમ લાગુ
• વિદેશી ખેલાડી નહીં બને ઈમ્પેક્ટ પ્લેયર
• શું છે 'ઈમ્પેક્ટ પ્લેયર'નો નિયમ

આઈપીએલમાં પણ 'ઈમ્પેક્ટ પ્લેયર'નો નિયમ લાગુ કરવામાં આવશે અને આ નવા નિયમ હેઠળ એ ટીમે ટોસ કરતાં સમયે તેમની પ્લેઈંગ ઈલેવન સાથે એ ચાર ખેલાડીઓના નામ આપવા પડશે તો જ તે ઇમ્પેક્ટ પ્લેયર બની શકશે. જો કે હવે આ નિયમ વિશે એક મોટું અપડેટ આવ્યું છે. જણાવી દઈએ કે આ નિયમ અનુસાર કોઈપણ વિદેશી ખેલાડી આ નિયમનો ભાગ બની શકે નહીં. એટલે કે કોઈ પણ ટીમ ઈમ્પેક્ટ પ્લેયર્સની યાદીમાં વિદેશી ખેલાડીઓને સામેલ કરવામાં આવશે નહીં

વિદેશી ખેલાડી નહીં બને ઈમ્પેક્ટ પ્લેયર
ક્રિકબઝના એક રિપોર્ટ અનુસાર BCCIએ તમામ ફ્રેન્ચાઈઝીને કહી દીધું છે કે કોઈપણ વિદેશી ખેલાડી ઈમ્પેક્ટ પ્લેયર ન નહીં બની શકે અને તે સ્પષ્ટ છે કે ટોસ સમયે કેપ્ટન પ્લેઈંગ ઈલેવનની યાદી સાથે ઈમ્પેક્ટ પ્લેયર્સની યાદી આપશે પણ એ ઈમ્પેક્ટ પ્લેયર્સની યાદીમાં કોઈ વિદેશી ખેલાડીનું નામ નહીં હોય.

શું છે 'ઈમ્પેક્ટ પ્લેયર'નો નિયમ
'ઈમ્પેક્ટ પ્લેયર'ના નિયમ અનુસાર ટીમ તેની રણનીતિ અનુસાર કોઈપણ એક ખેલાડીને વિકલ્પ તરીકે મેદાનમાં ઉતારી શકશે. ટોસ સમયે એ ટીમોએ પ્લેઇંગ ઇલેવન સાથે તેમના ચાર અવેજી ખેલાડીઓના નામ આપવાના રહેશે અને આ ચાર ખેલાડીઓમાંથી ટીમ કોઈપણ એક ખેલાડીનો 'ઈમ્પેક્ટ પ્લેયર' તરીકે ઉપયોગ કરી શકશે. જો કે મેચની 14મી ઓવર સુધી એ 'ઈમ્પેક્ટ પ્લેયર' ને મેદાનમાં ઉતારી શકાશે નહીં. 

મીની ઓક્શન માટે 991 ખેલાડીઓ થશે સામેલ 
આઈપીએલ 2023માટે યોજાનાર મિનિ ઓક્શનમાં કુલ 991 ખેલાડીઓએ પોતાનું રજીસ્ટ્રેશન કરાવ્યું છે. જેમાં 714 ભારતીય અને 277 વિદેશી ખેલાડીઓ સામેલ છે. આ વિદેશી ખેલાડીઓમાં સૌથી વધુ ઓસ્ટ્રેલિયાના 57 ખેલાડીઓ સામેલ હશે. આ સિવાય સાઉથ આફ્રિકાના કુલ 52 ખેલાડીઓ હશે. આ ખેલાડીઓમાં કુલ 185 કેપ્ડ પ્લેયર્સ અને 786 અનકેપ્ડ પ્લેયર્સ ભાગ લેશે. તમને જણાવી દઈએ કે મિની હરાજી 23 ડિસેમ્બરે કોચીમાં થશે.