હેમંત ચૌહાણે ભાજપમાં જોડાવાને લઇને સ્પષ્ટતા કરતાં કહ્યું છે કે તેઓ કોઇપણ પક્ષ સાથે જોડાયેલ નથી. હેમંત ચૌહાણે જણાવ્યું કે મને સન્માન કાર્યક્રમ મામલે ભાજપે બોલાવ્યો હતો. જો કે આ અંગે હેમંત ચૌહાણે એક વાયરલ વીડિયો દ્વારા અંગે જણાવ્યું છે.
ઉલ્લેખનીય છે કે બે દિવસ પહેલાં જ હેમંત ચૌહાણ ભાજપમાં જોડાયા હતા. હેંમત ચૌહાણે જણાવ્યું કે કોંગ્રેસમાં પણ કલાકારોનું સન્માન કરવામાં આવ્યું છે. મને સન્માન મામલે ભાજપે બોલાવ્યો હતો. આમ લોકગાયક હેમંત ચૌહાણે ભાજપની સદસ્યતા નકારી છે.
સદસ્યતા અભિયાન અંતર્ગત કલાકારો આજે પણ ભાજપમાં જોડાયાં છે. જેને લઇને બીજા વધુ કલાકારો ભાજપમાં જોડાયા છે. જેમાં ઉત્તર ગુજરાતના કલાકારો ભાજપમાં જોડાયા છે. જેમાં વિનયભાઈ નાયક, રિદ્ધિબેન વ્યાસ, પ્રકાશ બારોટ, પૂનમબેન પટેલ, રાહુલ આજણા, અક્ષય બારોટ, ધવલ નાયક, પંકજ મિસ્ત્રી અને જનક ઝાલા ભાજપમાં જોડાયા છે.
ઉલ્લેખનીય છે કે બે દિવસ અગાઉ ભાજપ સદસ્યતા અભિયાન અંતર્ગત કેટલાંક નામાંકિત કલાકારો ભાજપમાં જોડાયા હતાં. જેમાં ગાંધીનગરના ભાજપના કાર્યાલય કમલમ ખાતે રાજ્યનાં 15 જેટલાં નામાંકિત કલાકારો ભાજપમાં જોડાયા હતાં.
આ કલાકારોમાં હેમંત ચૌહાણ, લોકગાયિકા સંગીતા લાબડિયા, લોકસાહિત્યકાર ગોપાલદાન બારોટ, ગાયક બંકિમ પાઠક, લોકસાહિત્યકાર અમુદાન ગઢવી, બ્રિજરાજ લાબડીયા, બટુક ઠાકોર, કિરીટદાન ગઢવી, ગુજરાતી ફિલ્મ નિર્માતા રાજેશ ઠક્કર, આરીફ મીર, જીતુ ઠક્કર સહિતના કલાકારો ભાજપમાં જોડાયા હતા.
આ અગાઉ પણ ભાજપમાં કમલમ્ ખાતે પ્રદેશ પ્રમુખ જીતુ વાઘાણીની ખાસ ઉપસ્થિતિમાં ગુજરાતનાં કેટલાંય નામી-અનામી કલાકારોએ ભાજપમાં સભ્યપદ પ્રાપ્ત કર્યું હતું. પક્ષના પ્રદેશ અધ્યક્ષ જીતુભાઇ વાઘાણી તથા પ્રવક્તા ભરત પંડ્યાએ આ તમામ કલાકારોને ભાજપને ખેસ પહેરાવીને પક્ષમાં આવકાર્યા હતાં.