લો બોલો / ગુજરાતના જાણીતા ગાયક હેમંત ચૌહાણની અટકાયતના સમાચાર વહેતા થયા બાદ આવ્યો ખુલાસો

• હેમંત ચૌહાણની કરવામાં આવી અટકાયત
• ગુજરાતના ગાયકે 2015માં કર્યો હતો ફોન કોલ
• હેમંત ચૌહાણે પત્રકાર પરિષદ યોજી આપ્યો ખુલાસો

રાજકોટના મૂળ ગાયક હેમંત ચૌહાણની 2015ની એક જૂની ઘટના સામે આવી હતી. 2015માં હેમંત ચૌહાણની એક ઓડિયો ક્લિપ વાયરલ થઇ હતી જેના કારણે હેમંત ચૌહાણની અટકાયત કરવામાં આવી હતી. 

શું હતી ઘટના

સમગ્ર ઘટનાનો સાર હતો કે, હેમંત ચૌહાણની એક ઑડિયો ક્લિપ વાયરલ થઇ હતી જેમાં તે એક સંચાલકને ફોન પર ધમકીઓ આપી રહ્યાં હતા. તે ઘમકીને કારણે હેમંત ચૌહાણની અટકાયત કરવામાં આવી હતી. 2015ની ઘટના 5 વર્ષ બાદ સામે આવી હતી, જેના કારણે હેમંત ભાઇની મુશ્કેલીઓ વધી ગઇ હતી. 

અટકાયત બાદ હેમંત ચૌહાણને જીલ્લા મેજીસ્ટ્રેટટે જામીન પર મુક્ત કર્યા હતા. 2015ની એક જૂની ક્લિપના કારણે ભાવિન ખખ્ખર નામના એક શખ્સે હેમંત ચૌહાણ વિરુદ્ધ ફરિયાદ નોંધાવી હતી. જે ફરિયાદના કારણે હેમંત ચૌહાણની અટકાયત કરવામાં આવી હતી.      

શું કહ્યુ પ્રેસ કોન્ફરન્સમાં ?

હેમંત ચૌહાણે રાજકોટમાં પ્રેસ કોન્ફરન્સ બોલાવી અને પોતાનો પક્ષ રજુ કર્યો હતો. તેમાં ભાવિન ઠક્કર પર તેમણે આરોપ મુક્યા હતા કે તે વ્યક્તિ કલાકારોને બદનામ કરવાનુ કામ કરી રહ્યો છે. ફક્ત હેમંત ચૌહાણ જ નહી 150 જેટલા કલાકારોને હેરાન કરવાનો આરોપ પણ લગાવ્યો હતો. ભાવિન હેમંત પાસે પૈસાની માંગણી નથી કરતો માત્ર ઇર્ષાભાવના કારણે આ પ્રકારનુ કામ કરી રહ્યો છે. પ્રતિશોધ લેવા માટે ભાવિને 5 વર્ષ બાદ પ્રયત્ન કરી રહ્યો છે. 

જો હેમંત ચૌહાણનું નામ ખરાબ થાય તો તેમને પ્રોગ્રામ ન મળે અને તેમને પૈસાની તંગી થઇ જાય, જો લોકોના મનમાં હેમંત ભાઇનું નામ ખરાબ થઇ જાય તો કોઇ તેમના ભજન સાંભળવા તૈયાર નહી થાય. આ પ્રકારની ચિંતા પણ હેમંત ચૌહાણે વ્યક્ત કરી હતી.

અટકાયતની વાત ખોટી

હેમંત ચૌહાણે વધુમાં કહ્યું હતુ કે, પોલિસે તેમની અટકાયત કરી હતી તેવા સમાચાર ખોટા છે, પોલિસે તેમનો સંપર્ક નથી કર્યો અને તેમની કોઇ ધરપકડ નથી થઇ. આ સમગ્ર વિવાદ ઉપજાવી કાઢેલો છે અને તેમને બદનામ કરવા માટે સમગ્ર ઘટનાને અંજામ આપવામાં આવી રહ્યો છે.