બોલિવૂડમાં ડ્રીમ ગર્લ તરીકે જાણીતી હેમા માલિની હવે અભિનેત્રીમાંથી સાસંદ બની ચૂકી છે. હેમા માલિની યુપીના મથુરાથી ભાજપના સાંસદ છે. હેમા માલિનીના પતિ ધર્મેન્દ્ર પણ રાજસ્થાનની બિકાનેર લોકસભા બેઠક પરથી સાંસદ રહી ચૂક્યા છે. ધર્મેન્દ્રના પુત્ર સન્ની દેઓલ હાલ લોકસભામાં ગુરદાસપુરના સાંસદ છે. હાલમાં લોકસભામાં હેમા માલિની અને સની દેઓલ બંને એક જ પાર્ટીના પ્રતિનિધિ ચૂંટાયેલા છે.
સની દેઓલ પોતાની માતાથી માત્ર 8 વર્ષ નાનો છે
હેમા માલિની અને સની દેઓલના સંબંધો ક્યારેય સારાં રહ્યાં નથી
હેમા માલિની સની દેઓલની સાવકી મા છે. સની ધર્મેન્દ્રની પહેલી પત્ની પ્રકાશ કૌરનો દિકરો છે. સની દેઓલ હેમા માલિનીથી માત્ર 8 વર્ષ જ નાનો છે. હેમા માલિની 72 વર્ષની છે, જ્યારે સની દેઓલ 64 વર્ષનો છે.
મીડિયા રિપોર્ટ્સ મુજબ સની અને હેમાના સંબંધો એટલા સારા નથી. હેમા આજ સુધી સની દેઓલના ઘરે ગઈ નથી. સની પણ હેમાના કોઈ જ ફંક્શનમાં સામેલ થયો નથી. એવું કહેવાય છે કે, ઈશા દેઓલના લગ્નમાં હેમાએ સની અને બોબીને આમંત્રણ આપ્યું હતું પરંતુ એ બંનેમાંથી કોઈ આવ્યું નહોતું.
રક્ષાબંધન પર પણ સની અને બોબી સાવકી બહેનો સાથે જોવા મળ્યા નથી. જોકે, 2015માં હેમા માલિની રોડ એક્સીડન્ટમાં ઘાયલ થઈ ગઈ હતી. ત્યારે સની દેઓલ તેમને મળવા તેમના ઘરે પહોંચ્યો હતો. આ વાત હેમા માલિનીએ પોતે મીડિયાને જણાવી હતી.