કઠુઆ-ઉન્નાવ કેસ મામલે હેમા માલીનીનું નિવેદન 'દેશની છબી ખરડાઇ રહી છે'

લખનૌઃ દેશમાં બાળકો સાથે વધી રહેલાં ગુનાને લઈને બોલીવૂડ અભિનેત્રી અને ભાજપ સાંસદ હેમા માલીનીએ એક નિવેદન આપ્યું છે. જેમાં તેઓએ કહ્યું કે આવી ઘટનાઓ પર રોક લગાવવી જોઈએ. આનાથી દેશની છબી ખરડાઈ રહી છે.

કઠુઆ અને ઉન્નાવ ગેંગરેપ જેવા મામલે દેશવ્યાપી વિરોધ બાદ બાળકો સાથે થઈ રહેલી આવી શર્મનાક ઘટનાઓ રોકાવાનું નામ નથી લઈ રહી. અત્યારે તેની વધુ પડતી પબ્લિસીટી થઈ રહી છે. પહેલાં પણ આવી ઘટનાઓ બનતી હતી પણ કોઈનું ધ્યાન જતું હતુ નહીં. પરંતુ આવી ઘટના ઉપર પૂરતું ધ્યાન દોરવું જોઈએ.

ઉલ્લેખનીય છે કે દેશમાં બળાત્કારીની ઘટનાઓ પર લગામ લગાવવા માટે મોદી સરકારની કેબિનેટ બેઠકમાં પોસ્કો એક્ટમાં સુધારો કરવાની માંગને મંજૂરી મળી શકે છે.