બોલિવૂડની દિગ્ગજ અભિનેત્રી હેમા માલિનીનો આજે જન્મ દિવસ છે. આજે તે 72 વર્ષના થયા, તેમનો જન્મ 16 ઓક્ટોબર 1948માં તામિળનાડુમાં થયો હતો.
હેમા અને જીતેન્દ્રના સંબંધની વાત
એક ફોન કૉલે બદલી નાંખી પેર
તે એક ફોન કોનો હતો ?
હેમાએ પોતાના સમયમાં ઘણી બધી બ્લોકબસ્ટર ફિલ્મો આપી છે અને તેમનુ નામ તે સમયની બેસ્ટ અભિનેત્રીઓમાં ગણવામાં આવતું હતુ. આજે હેમા સાથે જોડાયેલો એક કિસ્સો જણાવીશુ જેનાથી કદાચ તમે પણ અજાણ હશો.
હેમા માલિની ક્લાસિકલ ડાન્સમાં માહેર હતા, ભરતનાટ્યમ, કુચીપુડી અને ઓડીસી જેવા તમામ ડાન્સને તે ખુબ સારી રીતે કરી લેતા હતા. ફિલ્મ સીતા ઓર ગીતા દ્વારા તો હેમાએ બોલિવૂડમાં ધમાલ મચાવી દીધી હતી. આ ફિલ્મ બાદ હેમા બોલિવૂડમાં છવાઇ ગઇ હતી.
સીતા ઓર ગીતાની શૂટિંગ દરમિયાન જ ધર્મેન્દ્ર અને હેમા નજીક આવ્યા હતા. બાદમાં આ જોડીએ બોલિવૂડમાં ખૂબ કામ કર્યું અને લગભગ બધી જ ફિલ્મો સફળ થઇ. હેમા અને ધર્મેન્દ્રનો સંબંધ પણ ગાઢ થતો ગયો.
આ દરમિયાન જ એક્ટર જીતેન્દ્રનુ દિલ પણ હેમા પર આવી ગયું. એક વાર મદ્રાસમાં હેમાના ઘરે બંને પરિવાર મળ્યા અને ચર્ચા થઇ, સંબંધની વાત આગળ વધી. જીતેન્દ્ર ચટ મંગની પટ બ્યાહ કરવા માંગતા હતા તેમના લગ્ન ઓલમોસ્ટ નક્કી થવાના હતા અને હેમાના ફોનની ઘંટડી વાગી. ફોન પર ધર્મેન્દ્ર હતા. ઘર્મેન્દ્રને આ વાતની જાણકારી પહેલાથી જ મળી ગઇ હતી માટે તેમણે હેમાને સમજાવી કે તે જલ્દીમાં કોઇ નિર્ણય ન લે.
જીતેન્દ્રના લગ્નની વાત ચાલી જ રહી હતી ત્યાં ફરી ફોનની ઘંટડી વાગી અને ફોન પર ધર્મેન્દ્ર ન હતા પરંતુ લાંબા સમયથી જીતેન્દ્રની ગર્લફ્રેન્ડ રહી ચૂકેલી શોભા હતી કે જે એર હોસ્ટેસ હતી. શોભાને પણ આ વાતની જાણકારી મળી ગઇ હતી. તેણે હેમાને કહ્યું કે તે જલ્દીમાં કોઇ નિર્ણય ન લે.
તે દરમિયાન જ 1978માં હેમાના પિતાનું નિધન થઇ ગયુ હતુ. પિતાના નિધન બાદ હેમા એકલી પડી ગઇ અને ધર્મેન્દ્રએ તેનો સાથ આપ્યો. 1979માં હેમા અને ધર્મેન્દ્રએ લગ્ન કરી લીધા. તો બસ આ કિસ્સો કદાચ તમને પણ ખબર નહી હોય.