હેલ્મેટ ફરજિયાત કરવા મુદ્દે હાઈકોર્ટમાં થયેલી અરજીનો મામલે હાઈકોર્ટમાં અરજી થઇ હતી. ત્યારે હવે રાજ્ય સરકારે હેલ્મેટ મરજિયાત યુ-ટર્ન લીધો છે. સરકારે કહ્યું છે કે, હેલ્મેટ મરજિયાત કરવા અંગે કોઈ પરિપત્ર કરાયો નથી. હેલ્મેટનો કાયદો ફરજિયાત કરવા હાઈકોર્ટમાં અરજી થઈ હતી.
હેલ્મેટ મરજિયાત કરવા મુદ્દે સરકારે લીધો યુ-ટર્ન
ગુજરાત સરકારે આ કાયદાનો હાલ પૂરતો મોકૂફ રાખ્યો હતો
રાજ્ય સરકાર કેન્દ્રનો કાયદો ન બદલી શકે
નવા મોટર વ્હિકલ એક્ટ બાદ ગુજરાતમાં હેલ્મેટના કાયદાનો બહોળા પ્રમાણમાં વિરોધ થઇ રહ્યો હતો. જેને લઇને રાજ્ય સરકારે શહેરી વિસ્તારમાં હેલ્મેટ પહેરવામાંથી મુક્તિ આપી હતી. જેને લઇને હેલમેટ મરજિયાત કરવા બદલ આજે હાઈકોર્ટમાં થયેલી જાહેર હિતની અરજીમાં કોર્ટ સુનાવણી થઈ હતી. હેલ્મેટ મામલે રાજ્ય સરકારને હાઈકોર્ટ દ્વારા નોટીસને આપવામાં આવી હતી. જેના જવાબમાં સરકારે સોગંદનામું રજૂ કરીને ગુજરાતમાં હેલ્મેટ પહેરવું મરજીયાત નથી કરાયું, ફરજિયાત જ છે. સરકારે કહ્યું પાછળ બેસનારે પણ હેલમેટ પહેરવું ફરજિયાત છે. ઉલ્લેખનીય છે કે, કોર્ટે ટ્રાન્સપોર્ટ સચિવને એફિડેવિટ રજૂ કરવા આદેશ કર્યો હતો.
ગુજરાત સરકારે આ કાયદાનો હાલ પૂરતો મોકૂફ રાખ્યો હતો
મહત્વનું છે કે, કેન્દ્ર સરકારે બનાવેલા કાયદામાં સેક્શન 129 અનુસાર હેલ્મેટ ફરજિયાત છે પરંતુ ગુજરાત સરકારે કાયદાને હાલ પૂરતો મોકૂફ રાખવાનો નિર્ણય કર્યો હતો. આ નિર્ણયને લોકો સુધી એક પ્રેસ નોટ દ્વારા પહોંચાડાયો હતો.
રાજ્ય સરકાર કેન્દ્રનો કાયદો ન બદલી શકે
કેન્દ્ર સરકાર દ્વારા બનાવવામાં આવેલા કાયદો કોઇ રાજ્ય બદલી શકે નહીં. જો કોઈ રાજ્ય સરકારે પાર્લામેન્ટ દ્વારા બનાવવામાં આવેલા કાયદામાં ફેરફાર કરવો હોય તો ભારતના બંધારણના અનુચ્છેદ 254 (2) મુજબ રાજ્ય વિધાનસભામાં પસાર થયેલા કાયદો રાષ્ટ્રપતિની મંજૂરી માટે મોકલવાનો હોય છે. જેમાં રાષ્ટ્રપતિની મંજૂરી મળ્યા બાદ નોટિફિકેશન બહાર પાડીને કાયદો અમલમાં મુકાય છે. પરંતુ ગુજરાત સરકારે આ પ્રકારની કોઈપણ કામગીરી કર્યા વીના જ એક પ્રેસનોટ આપીને શહેરી વિસ્તારમાં હેલ્મેટ પહેરવું મરજીયાત કરી દીધું હતું.
ગુજરાતમાં હેલમેટ પેહરવામાંથી મુક્તિ કેમ?
સેન્ટ્રલ મોટર વ્હિકલ એક્ટ 1988 સેક્શન 129 મુજબ બાઇક ચલાવનાર અને પાછળ બેસનાર વ્યક્તિ બંનેએ હેલમેટ પહેરવું ફરજીયાત હોય છે. જેમાંથી 4 વર્ષ સુધીના બાળકો અને સખ સમુદાયને આ કાયદામાંથી મુક્તિ આપવામાં આવેલી છે. જે નિયમમાં સુધારો કરીને રાજ્ય સરકાર દ્વારા બનાવવામાં આવેલા ગુજરાત મોટર વ્હીકલ રૂલ્સ 1989માં બાઇક પાછળ બેસનારી મહિલા અને 12 વર્ષથી નીચેના બાળકોને હેલમેટ પહેરવામાંથી મુક્તિ આપવામાં આવેલી છે. અન્ય રાજ્યોમાં જ્યારે વાહન ચાલકોની સુરક્ષા હેતુ વાહન ચાલક અને પાછળ બેસવા વાળા બંનેને હેલમેટ ફરજીયાત હોઈ છે, ત્યારે ગુજરાતમાં હેલમેટ પેહરવામાંથી મુક્તિ કેમ?
હેલ્મેટ ફરજીયાત અંગે ધારાસભ્ય ઋત્વિજ મકવાણાનું નિવેદન
મકવાણાએ કહ્યું કે, વિજયભાઈ રૂપાણી સરકારમાં યુ-ટર્ન સામાન્ય બાબત છે. વિચાર કર્યા વગર નિર્ણયો લેવાના કારણે યુ-ટર્ન લેવા પડી રહ્યા છે. રોજ કંઈક નવું કરવાની લાલસાના કારણે ફેરબદલ કરવો પડ્યો છે. વિચારીને નિર્ણય કરવામાં આવે તો વારંવાર બદલાવ ના કરવા પડે.
સુપ્રીમ કોર્ટના નિર્ણય પાલન કરવાની સૌની જવાબદારી છેઃ ફળદુ
રાજ્ય સરકાર દ્વારકા હેલ્મેટનો કાયદો મરજીયાત કરવામાં આવ્યો છે. આ મામલે રાજ્ય સરકારને સુપ્રીમ કોર્ટે પણ ફટકાર લગાવી હતી. આ મામલે પરિવહન મંત્રી આર.સી.ફળદુએ થોડા દિવસો અગાઉ પ્રતિક્રિયા આપી હતી કે, સુપ્રીમ કોર્ટના નિર્ણયને પાલન કરવાની સૌની જવાબદારી છે. અગાઉ મુખ્યમંત્રી દ્વારા જે નિર્ણય આપવામાં આવ્યો તેને પાલન કરીએ છીએ.