કોઇ પણ વ્યક્તિ શહેરના ગમે તે ખૂણેથી મદદ માટે પોકાર કરશે તો ૧પ મિનિટમાં જ પોલીસની મદદ મળે તેવી વાત હવે ઝડપથી અમલી થવા જઇ રહી છે. નાગરિકોને સુરક્ષાના ભાગરૂપે સરકાર ટૂંક સમયમાં "હેલો એસઓએસ સેવા'' શરૂ કરી રહી છે. આ પાઇલટ પ્રોજેક્ટની શરૂઆત ગાંધીનગરથી થશે અને બહુ ઝડપથી અમદાવાદીઓ પણ આ સેવા મેળવતા થશે.
304 ગામડાંમાં સુરક્ષા અને તબીબી સેવાની સુવિધા ઉપલબ્ધ કરાવાશે
108 ઈમરજન્સી સેવાને પણ SOS સેવા સાથે જોડી દેવાશે
આ સેવા (એસઓએસ-સેફ્ટી એન્ડ સિક્યોરિટી) અંતર્ગત જિલ્લાના ગમે તે ગામડાના કોઇ પણ સ્થળેથી મોબાઇલનું એક બટન દબાવવાની સાથે જે તે વ્યક્તિને મદદ પહોંચી જશે. હાલમાં શરૂઆતના તબક્કે અમદાવાદની નજીક આવેલા અને ગાંધીનગરમાં સમાવિષ્ટ થયેલાં ૩૦૪ ગામડાંમાં સેવા શરૂ કરવાની તૈયારી થઇ ચૂકી છે. આ જ પ્રમાણે રાજ્યના અમદાવાદ સહિતના તમામ જિલ્લાને સુરિક્ષત બનાવાશે.
વૃદ્ધ અને નિરાધાર, એકલવાયું જીવન જીવતી વ્યક્તિ માટે આ સુવિધા મદદરૂપ થઇ પડશે. આ સેવાનો લાભ નાગરિકો વિનામૂલ્યે લઇ શકશે. વૃદ્ધ, અશક્ત, બીમાર વ્યક્તિ, મહિલાઓ અને શાળા કે આંગણવાડીનાં બાળકોને આકસ્મિક મદદ મળી રહેશે. તેના માટે અલગ બિલ્ડિંગમાં ઇમર્જન્સી રિસ્પોન્સ સેન્ટર શરૂ કરાશે અને તેના કંટ્રોલરૂમમાંથી કોઇ પણ વ્યિક્તને ત્વિરત મદદ મળી રહેશે.
108 ઈમરજન્સી સેવાને પણ એસઓએસ સેવા સાથે જોડી દેવાશે, જેથી કોઇ આકસ્મિક મદદનો મેસેજ આવશે તો જે તે વ્યક્તિ પાસે ૧૦૮ પણ પહોંચી જશે. તેના માટે પાંચ હેલ્થ મેડિસન કિટ પણ રાખવામાં આવશે, જેમાં ર૦ જેટલી એન્ટિબાયોટિક દવા મુકેલી હશે. ઇમર્જન્સીમાં જરૂર પડ્યે આ કિટ દ્વારા તાત્કાલિક સારવાર અપાશે. ગુજરાત પોલીસ તેના માટેની નાણાંકીય વ્યવસ્થા એનજીઓ સાથે કે ચેરિટેબલ ટ્રસ્ટ સાથે મળીને કરશે.