રજૂઆત કરવા માટે 0265-2438110 નંબર જાહેર કરવામાં આવ્યો, DDO હેલ્લો જિલ્લા પંચાયતના સોફ્ટવેર માધ્યમથી ફોલોઅપ લેશે
વડોદરા જિલ્લા પંચાયતની નવી પહેલ
હેલ્લો જિલ્લા પંચાયત નામથી ચાલુ કરી સુવિધા
નાગરિકો ઘરે બેઠા અરજી કે રજૂઆત કરી શકશે
લોકના પ્રશ્નોનો ઝડપી, સરળ અને સમયમર્યાદામાં ઉકેલ આવે તે માટે રાજ્ય સરકાર પ્રતિબદ્ધ છે. પબ્લિક ગ્રેવીયન્સ રીડ્રેસલ મિકેનીઝમના ભાગરૂપે જિલ્લા પંચાયત વડોદરા દ્વારા સમગ્ર રાજ્યમાં નવી પહેલ કરી છે. હવે લોકોને જિલ્લા પંચાયતના કામ માટે ખાવા પડતાં ધક્કા અને અધિકારીરાજ શાહીથી છુટકારો મળશે. ફોન કોલ દ્વારા સીધા જ DDO સુધી આડકતરી રીતે તકલીફ પહોંચાડી શકાશે
હેલ્લો જિલ્લા પંચાયત પર કરી શકશો કોલ
આ માટે લોકોને પોતાની રજૂઆતો કે અરજીઓ માટે રૂબરૂ જિલ્લા પંચાયત ખાતે આવવાની જરૂર રહેશે નહિ. હેલ્લો જિલ્લા પંચાયત નામથી નવી પહેલ કરવામાં આવી છે. આ વ્યવસ્થા દ્વારા નાગરિકો ઘરે બેઠા અરજી કે પોતાની રજૂઆત કરી શકશે આ રજૂઆત કરવા માટે 0265-2438110 નંબર જાહેર કરવામાં આવ્યો છે. પબ્લિક ગ્રેવીયનન્સ રીડ્રેસલ મિકેનિઝમના ભાગ રૂપે આ પ્રયાસ કરવામાં આવ્યો છે. જેના દ્વારા ફોન પર આવેલી અરજીઓને DGMS સોફ્ટવેરમાં એન્ટ્રી થશે. જે બાદ તેના સમસ્યાના નિકાલ માટે
રજૂઆત કર્યા પછી શું?
એકવખત ઓનલાઈન અરજી થયા બાદ DDO સોફ્ટવેરના માધ્યમથી ફોલોઅપ લેશે. જેમાં લોકોની સમસ્યાના નિવારણ માટે શું પગલાં લેવાયા અને કઈ અરજીનું કામ કયા અટક્યું છે અને કેમ અટક્યું છે તેનું ધ્યાન રાખવામાં આવશે.આ સુવિધાથી લોકોને જિલ્લા પંચાયતના પડેલા કામ ઘરે બેઠા થઈ શકશે. કોરોનાની સ્થિતિને ધ્યાને જોતાં આ પહેલ તે દ્રષ્ટિએ પણ ખૂબ ફાયદાકારક છે પણ હજુ એવા કેટલાય અરજદારો છે જે ઓનલાઇન પ્રણાલીથી અજાણ છે. અથવા ફોન કરવાનું ટાળી જિલ્લા પંચાયત ભણી જશે. તેમને પણ સુવિધાથી વાકેફ કરવામાં આવશે અને કેવી રીતે સુવિધાનો લાભ લઈ ધરમના ધક્કા ખાધા વગર કામ થઈ શકશે તેનાથી રૂબરૂ કરવામાં આવશે. પ્રો-એક્ટિવ ગવર્નન્સના ભાગ રૂપે જિલ્લા પંચાયત વડોદરા દ્વારા આ નવીન પહેલ કરવામાં આવી હોવાનું જિલ્લા વિકાસ અધિકારી ડો.રાજેન્દ્ર પટેલે જણાવ્યું છે.