દુનિયાભરના કરોડો લોકો જેના એડિકટ છે તે પબજી ગેમની આઠમી સિઝન અડધી પુરી થઇ છે.હવે પબજીના ગેમર્સ માટે ખુશખબર છે.કેમ કે આવી રહેલા નવા ફિચર્સના કારણે ગેમ વધુ એકસાઇટિંગ બનવાની છે.પબજી ગેમ અંગેની માહિતી સૌથી પહેલા લીક કરતા મોબાઇલ ટીપસ્ટર મિ.ઘોસ્ટના જણાવ્યા મુજબ પબજીમાં સિઝન આઠ પુરી થાય તે પછી નવો એકશનપેકડ મોડ આવી રહ્યો છે.
પ્લેયર્સ હવે હેલિકોપ્ટર ઉડાડી શકશે.હેલિકોપ્ટરમાંથી ફાયરિંગ કરી શકાશે તો એનેમી પણ હેલિકોપ્ટરને નિશાન બનાવી તેને તોડી શકશે. નવા મિલિટરી વેહિકલ પણ આવશે.દુશ્મનો પર એટેક કરવા હવે MGL અને M79 ગ્રેનેડ લોન્ચર તેમજ M3E1 રોકેટ લોન્ચર પણ મળશે.ગ્રેનેડ લોન્ચર ગનની જેમ કામ કરશે.BRDM નામનું નવું મિલિટરી વેહિકલ અત્યારના આર્મર્ડ UAZની જગ્યા લેશે.
નવું વેહિકલ ટેન્ક જેવું હશે અને તેમાં આખી સ્કવોડ બેસી શકશે. ફલેર ગન ફાયર કરીને તેને પ્લે ઝોનના સર્કલની બહાર પણ બોલાવી શકાશે.નવા મોડમા પ્લેયર એરસ્ટ્રાઇક માટે લોકેશન માર્ક કરી શકશે.રેડઝોનનો એરિયા પણ હવે મેપમાં માર્ક થયેલો દેખાશે.
વેહિકલમાં પુરવા માટે મળતા ગેસ કેનનો ઉપયોગ પણ હવે બોમ્બની જેમ કરી શકાશે.ગેસ કેન ફેંકયા બાદ તેની પર ફાયર કરતા બોમ્બની જેમ બ્લાસ્ટ થશે.અત્યારે આ મોડ ફકત ચીનમાં પબજીના બીટા વર્ઝનમાં આપવામાં આવ્યો છે.ગેમ ડેવલપર્સ આગામી થોડા અઠવાડિયામાં તેને ગ્લોબલ વર્ઝનમાં પણ લાવે તેવી શકયતા છે.