ગુજરાતમાં આગામી 48 કલાકમાં ભારે વરસાદ પડી શકે છે. જ્યારે આગામી 5 દિવસ સુધી રાજ્યમાં કેટલાક વિસ્તારોમાં ભારેથી અતિભારે વરસાદ થઈ શકે છે. હવામાન વિભાગનું માનીએ તો દક્ષિણ ગુજરાત અને સૌરાષ્ટ્રમાં અતિભારે વરસાદ થઈ શકે છે.જ્યારે નવસારી, વલસાડ, દમણ અને દાદરા નગર હવેલીમાં રેડ અલર્ટ જાહેર કર્યું છે. સાથે જ જૂનાગઢ અને ગીર-સોમનાથમાં પણ રેડ અલર્ટ જાહેર કરવામાં આવ્યું છે. એટલું જ નહીં દરિયાકિનારાના વિસ્તારોમાં દરિયો ન ખેડવા માટે સૂચના આપવામાં આવી છે.