ચોંકાવનારો કિસ્સો / દુનિયાના સૌથી ગરમ રણમાં ભારે સ્નોફૉલ, વૈજ્ઞાનિકોએ આપી ગંભીર ચેતવણી

• વિશ્વના સૌથી ગરમ સહારાના રણમાં પડ્યો બરફ
• 11 દેશોમાં ફેલાયેલું છે સહારાનું રણ 
• ગ્લોબલ વોર્મિગને કારણે સહારાના રણમાં થયો સ્નોફોલ 

વિશ્વના સૌથી ગરમ રણ સહારામાં બરફ પડ્યો છે. જેથી આ ઘટના હાલ ચર્ચાનો વિષય બની છે. સહારા રણ 11 દેશોમાં ફેલાયેલું છે. જેમા અલ્જીરિયા, ચાડ, મિશ્ર, લીબિયા, માલી, મૉરિટાનિયા, મોરક્કો, નાઈજર, પશ્ચિમી સહારા , સૂડાન અને ટ્યૂનીશિયામાં આ રણ ફેલાયેલો છે. અહીયા રેતી પણ 180 મીટર ઉપર હોય છે. 

સહારાના રણમાં પાણીની ભયંકર અછત 

આ રણમાં પાણીની ભયંકર અછત હોય છે તેમ છતા અહીયા બરફ પડ્યો જે ચોંકાવનારી વાત છે. સહારાનું તાપમાન ઘણું વધારે હોય છે. તેમ છતા અહીયા તાપમાન શૂન્ય કરતા નીચે જતું રહ્યુ અને બરફ પડવા લાગ્યો. આ ઘટના ગ્લોબલ વોર્મિંગને કારણે થઈ છે. 

42 વર્ષમાં પાંચમી વખત બરફ પડ્યો 

અગાઉ પણ સહારાના રણમાં બરફ પડ્યો હતો. છેલ્લા 42 વર્ષોમાં સહારામાં બરફ પડવાની આ પાંચમી ઘટના છે. એવું કહેવામાં આવી રહ્યું છે કે જળવાયું પરિવર્તનને કારણે આ ઘટના સામે આવી છે. ગ્લોબલ વોર્મિગને કારણે હવે ઠંડી હવા ચાલવાની સંભવના પણ વધી ગઈ છે. 

છેલ્લા કેટલાક સમયમાં તાપમાનમાં બદલાવ આવ્યો 

જોકે સહારાની લાલ રેતીમાં જ્યારે સફેદ બરફ પડ્યો ત્યારે નજારો જોવા લાયક હતો. આ નજારો જોવા માટે લોકો ઘરની બહાર નીકળ્યા હતા. તેના પાછળનું કારણ છે કે આ રણમાં ગરમી 58 ડીગ્રી સુધી પહોચી ગઈ છે. પરંતુ છેલ્લા કેટલાક સમયથી તાપમાન બદલાઈ રહ્યું છે. જેના કારણે અહીયા બરફ પણ પડવા લાગ્યો છે.

સોશિયલ મીડિયા પર તસ્વીરો વાયરલ થઈ 

ઉલ્લેખનીય છે કે સહારાના રણમાં એકજ રાતમાં તાપમાન -2 પહોચી ગયું જેના કારણે અહીયા બરફ પડ્યો હતો. સોશિયલ મીડિયા પર હાલ બરફ પડવાની આ તસ્વીરો ઘણી વાયરલ થઈ રહી છે. આપને જણાવી દઈએ કે સૌથી પહેલા અહીયા 1979માં બરફ પડ્યો હતો, બાદમાં 2016, 2018 અને 2021માં પણ બરફ પડ્યો હતો. જેથી વૈજ્ઞાનિકોનું કહેવું છે કે જળવાયું પરિવર્તન સહારાના રણમાં પડેલા બરફની ઘટનાઓમાં મોટી ભૂમિકા ઊજવી શકે છે.