ગુજરાતમાં વરસાદનું રૌદ્ર સ્વરૂપ જોવા મળી રહ્યું છે. ખાસ કરીને સૌરાષ્ટ્ર-કચ્છ અને મધ્ય ગુજરાતમાં સ્થિતિ વધુ વણસેલી છે ત્યારે વડોદરામાં વિશ્વામિત્રી નદીની જળસપાટી ભયજનક સ્તરે છે. જો કે, આ ઘટનાને પગલે શહેરમાં પુરની સ્થિતિને લઈ ડરનો માહોલ વ્યાપ્યો છે.
દક્ષિણમાં આકાશી આફત
વડોદરામાં વિશ્વામિત્રી નદીની જળસપાટી ભયજનક સ્તરે
વિશ્વામિત્રીના બ્રિજની બંન્ને બાજુ લોકોએ કાર પાર્ક કરી
ઉલ્લેખનીય છે કે, વિશ્વામિત્રીની જળ સપાટી 20 ફૂટે પહોચતા લોકોમાં ભય જોવા મળ્યો હતો અને કાર સહિતના વાહનોને નુકસાન ન પહોંચે તે માટે લોકો ઉર્મી સ્કુલ પાસે નજીક વિશ્વામિત્રીના બ્રિજની બંન્ને બાજુ પાર્ક કરી હતી. બ્રિજ પર કારની કતારના દ્રશ્યો સોશિયલ મીડિયામાં વાયરલ થયાં હતા.
વીટીવી વિશેષમાં સૌથી પહેલા વાત કરવી છે. દક્ષિણમાં આફત બની વરસી રહેલા વરસાદની. એવી આફત કે જેની ક્યારેય લોકોએ કલ્પના પણ નહોતી કરી. છેલ્લા 24 કલાકમાં 12 ઈંચથી પણ વધુ વરસાદ પડતા જળબંબાકારની સ્થિતિ સર્જાઈ છે. ક્યાંક આખા ગામનું રેસ્ક્યું કરવું પડ્યું. તો ક્યાંક લોકો આફત બચવા પોતાના ઘરની છત પર પઢ્યા.
ઢાઢર નદી ગાંડીતૂર બની
ઉપરવાસમાં વરસાદને લઈને ઢાઢર નદી ગાંડીતૂર બની છે ત્યારે વડોદરાના ડભોઇના 5 ગામોને સીધી અસર થઇ છે. જેમાં દંગીવાડા, નારણપુરા, બંબોજ, અમરેશ્વર અને લુણાદરા સહિતના ગામોના રસ્તા ઉપર પાણી ફરી વળતા ગામ લોકો મુશ્કેલીમાં મુકાયા છે. આ સાથે જ વાહન વ્યવહાર પણ ક્યાંકને ક્યાંક ખોરવાયો હોવાથી પાણી ઓછુ થવાની લોકો રાહ જોઈ રહ્યા છે. હવામાન વિભાગ દ્વારા આવનારા પાંચ દિવસમાં ભારેથી અતિભારે વરસાદની આગાહી કરવામાં આવી છે. જેને પગલે ડભોઈ તાલુકામાં પણ મુશળધાર વરસાદ થયો છે. ગામલોકોને ભારે મુશ્કેલી વેઠવાનો વારો આવ્યો છે. ત્યારે તંત્ર દ્વારા સ્પષ્ટ પણે નિષ્કાળજી લેવાતી તેવું ગામ લોકોએ જણાવ્યુ છે.