સૌરાષ્ટ્રમાં માવઠું / ગોંડલ-રાજકોટ હાઈવે પર ધોધમાર વરસાદ, જામનગરમાં કરા પડ્યા, જુઓ દ્રશ્યો

• જામનગર અને રાજકોટમાં કમોસમી વરસાદ
• કેટલાક વિસ્તારોમાં કરા પણ પડ્યા

રાજ્યમાં એકતરફથી ભીષણ ગરમીનો રાઉન્ડ શરુ થઈ ગયો છે. બીજી તરફ છુટાછવાયા વરસાદી ઝાપટાં પણ પડી રહ્યા છે. 2 મેના રોજ અમરેલી ખાંભાના પીપળીયા,ભણીયા,નાનુડી સહિતના ગ્રામ્ય વિસ્તારોમાં વરસાદ પડ્યા બાદ 3 મેના દિવસે ભાવનગર સિહોર તાલુકા પંથક વરસાદી ઝાપટા પડ્યા હતા. 

માવઠા સાથે કેટલાક વિસ્તારોમાં વરસ્યા કરા 
આજે 5 મેના રોજ સૌરાષ્ટ્ર પંથકમાં કમોસમી વરસાદ જોવા મળ્યો છે. રાજકોટના ગોંડલ,કોટડાસાંગાણી આસપાસના ગામોમાં વરસાદી વાતાવરણ બન્યું હતું. કોલીથડ, હડમતિયાળા, પાટીયાળી અને રીબડામાં વરસાદ પડ્યો હતો. ગોંડલ રાજકોટ નેશનલ હાઇવે પર ધોધમાર વરસાદ જોવા મળ્યો હતો. તો બીજી તરફ જામનગરના કાલાવડમાં પણ વાતાવરણમાં પલટો આવ્યો હતો.  માવઠા સાથે કેટલાક વિસ્તારોમાં કરા વરસ્યા હતા. ખરેડી, નાના વડાળા ગામે કમોસમી ઝાપટું પડ્યું જેથી ખેડૂતોની ચિંતામાં વધારો થયો છે.

આવરે વરસાદ, ઢેબળીયો વરસાદ, વગર વરસાદે થયુ સેતાવાળ જળબંબાકાર! શરમ કરો જામનગર મહાનગરપાલિકા સ્થળ:સેતાવાળ સમય સવારના :06:20 @mcjamnagar @mcjamnagar @CollectorJamngr @SP_Jamnagar @CMOGuj @deshdevinews @JamnagarCity @jamnagarnews pic.twitter.com/oO0omUA679

— Aurangzeb Arandiya 🇮🇳 (@aurangzeb_____) May 5, 2022

આ પહેલા આશરે 3 દિવસ પહેલા અમરેલી જિલ્લાના ગીર કાંઠાના ગ્રામ્ય વિસ્તારોમાં વરસાદ પડ્યો હતો. ખાંભા અને ઘનશ્યામનગરમાં પવન સાથે કરા પડ્યા હતા. બપોર સુધી 40 ડિગ્રીથી વધુ તાપમાન બાદ અચાનક વરસાદ સાથે કરા પડતા ખેતીમાં નુકશાન થવાની ભીતિ સેવાઇ રહી છે.

દેશમાં હવામાન વિભાગની હજુ પણ બે દિવસ વરસાદની આગાહી
દેશભરમાં જ્યારે ગરમીનો પ્રકોપ જોવા મળી રહ્યો છે ત્યારે તેલંગાણામાં જોરદાર વરસાદ વરસતાં અનેક સ્થળોએ પાણી ભરાઈ ગયુ હતુ. જેમાં અનેક સ્થળોએ તો 8 થી 9 સેન્ટિમીટર જેટલો વરસાદ નોંધાયો હતો આ વરસાદની અસર ખેતરના અને મંડીમાં રાખેલા પાકને પણ પહોંચી છે. તો બીજી તરફ હવામાન વિભાગે હજુ પણ દક્ષીણના રાજ્યોમાં વરસાદની આગામી કરી છે. જેમાં આંધ્ર પ્રદેશ, તેલંગાણા, કેરળ તથા તમિલનાડુમાં વરસાદની આગાહી કરવામાં આવી છે. આ સાથે બિહારના 10 જેટલા જિલ્લામાં પણ વરસાદની આગાહી કરવામાં આવી છે. તો સાથે એમ પણ જણાવવામાં આવ્યુ છે કે, મહારાષ્ટ્ર, રાજસ્થાન, મધ્યપ્રદેશમાં ગરમીનો પારો યથાવત રહેશે.ઓડિશામાં આસની વાવાઝોડુ ત્રાટકે તેવી સંભાવનાને લઇને એક્શનમાં આવ્યુ તંત્ર, વિશેષ રાહત કમિશનરે 18 જિલ્લાઓના કલેક્ટર સાથે બેઠક યોજી જેમાં 18 જિલ્લાના કલેક્ટરને પત્ર લખીને  કોઇ પણ જાનહાનિ ન થાય, સલામત સ્થળે લોકોને ખેસડી દેવામાં આવે તેવી તમામ સ્થિતિને પહોંચી વળવા માટે પત્ર લખવામાં આવ્યો છે

આ વખતે 25 મે થી 8 જૂન વચ્ચે વરસાદ થશેઃ અંબાલાલ
અંબાલાલના જણાવ્યા અનુસાર રાજ્યમાં આ વર્ષે ચોમાસાની શરૂઆતમાં સારો વરસાદ થશે, ચોમાસાની શરૂઆતમાં કચ્છ, સૌરાષ્ટ્રમાં સારા વરસાદની શક્યતા પણ તેમણે સેવી છે. ઉત્તર ગુજરાત, મધ્ય ગુજરાતમાં પણ આ સિઝનમાં વરસાદ સમો સૂતરો રહે તેવો આશાવાદ વ્યક્ત કર્યો છે. એપ્રિલ મહિનાથી હવામાનમાં પલટો આવશે જે 17 મે સુધી ચાલશે. પ્રિ મોનસૂન પ્રક્રિયા વહેલી શરૂ થશે, ચોમાસુ વહેલુ શરૂ થશે તેમજ આ વખતે 25 મે થી 8 જૂન વચ્ચે વરસાદ પણ સારો રહેશે. અંબાલાલની આ આગાહીથી ખેડૂતોને હાશકારો થયો છે.

સ્કાયમેટને આગામી ચોમાસાને લઇ કર્યું પૂર્વાનુમાન
આજથી 15 દિવસ પહેલા હવામાન વિભાગની આગાહી કરનારી પ્રાઇવેટ એજન્સી સ્કાયમેટ ચોમાસાને ખુશી સમાચાર આપ્યા હતા. આગામી ચોમાસાને પ્રથમ પૂર્વાનુમાન સ્કાયમેટે કર્યુ હતું. સ્કાયમેટની આગાહી મુજબ વર્ષ 2022નું ચોમાસુ સામાન્ય રહેવાની શક્યતા છે. આ વર્ષે 4 મહિનામાં વરસાદ 98 ટકા રહેવાની શક્યતા છે. જૂનથી સપ્ટેમ્બર વચ્ચે ભારતાં 880.60 મીમી વરસાદની શક્યતા છે. તેમજ દેશમાં સંપૂર્ણ પણે 98 ટકા વરસાદ પડી શકે છે. આ રિપોર્ટ સ્કાયમેટે 21 ફેબૃઆરી જારી કર્યો હતો. સ્કાઇમેટ તરફથી ફરી આ આગાહીનું ફરી પૂર્વાનુમાન કરવામાં આવ્યું છે.

ક્યાં રાજ્યમાં કેવું રહેશે ચોમાસુ ? (સ્કાયમેટ પ્રમાણે)

• મધ્ય પ્રદેશ, ઉત્તરપ્રદેશ, પંજાબ અને હરિયાણામાં સામાન્યથી વધુ વરસાદ થશે
• ગુજરાતમાં સામાન્ય વરસાદ રહેશે
• પૂર્વોત્તર વિસ્તાર નાગાલેન્ડ, મણીપુર, મઝોરમ અને ત્રિપુરામાં સિઝનમાં ઓછો વરસાદ થશે
• કેરળ અને કર્નાટમાં જૂલાઇ, ઓગસ્ટમાં થશે વરસાદ
• જૂન માસથી સારો વરસાદ થવાની સંભાવના વ્યક્ત કરાઇ

કેટલા વરસાદનું અનુમાન ?  (સ્કાયમેટ પ્રમાણે)

• જૂનમાં સરેરાશ 6.6 ઇંચના પ્રમાણે 107 ટકા વરસાદ થશે
• જૂનમાં 70 ટકા સામાન્ય, 20 ટકા વધુ અને 10 ટકા ઓછા વરસાદની શક્યતા
• જૂલાઇમાં સરેરાશ 11.4 ઇંચના પ્રમાણે 100 ટકા વરસાદ થશે
• જૂલાઇમાં 65 ટકા સામાન્ય, 20 ટકા વધુ અને 15 ટકા ઓછા વરસાદની શક્યતા
• ઓગસ્ટમાં સરેરાશ 10.32 ઇંચના પ્રમાણે 95 ટકા વરસાદ થશે
• ઓગસ્ટમાં 60 ટકા સામાન્ય, 10 ટકા વધુ અને 30 ટકા ઓછા વરસાદની શક્યતા
• સપ્ટેમ્બરમાં સરેરાશ 6.8 ઇંચના પ્રમાણે 90 ટકા વરસાદ થશે
• સપ્ટેમ્બરમાં 20 ટકા સામાન્ય, 10 ટકા વધુ અને 70 ટકા ઓછા વરસાદની શક્યતા