IPLIN
 
  • Home
  • India
  • Heavy rains lash Himachal Pradesh; schools, colleges to remain shut down

કહેર / હિમાચલમાં ભારે વરસાદથી પૂરની સ્થિતિ, ઉત્તરકાશીમાં વાદળ ફાટવાથી 17નાં મોત

Team VTV 08:24 AM, 19 Aug 19 | Updated: 11:18 AM, 19 Aug 19
Follow us
Heavy rains lash Himachal Pradesh; schools, colleges to remain shut down

ઉત્તર ભારતમાં વરસાદનો કહેર જોવા મળી રહ્યો છે. ઉત્તર  ભારતના હિમાચલ પ્રદેશ, પંજાબ, ઉત્તરાખંડમાં ભારે વરસાદના કારણે 28નાં મોત નિપજ્યાં છે. જ્યારે યમુના નદીનું જળસ્તર વધતાં 4 રાજ્યોને એલર્ટ આપવામાં આવ્યું છે. ઉત્તરાખંડના મોરી ક્ષેત્રમાં રવિવારે વાદળ ફાટયું હતું. જેમાં અત્યાર સુધીમાં 17 લોકોનાં મોત થયા છે. જેને લઇને હાલમાં રેસ્કયૂ કરવામાં આવી રહ્યું છે.

  • ઉત્તર ભારતમાં ભારે વરસાદથી હિમાચલ, પંજાબ, ઉત્તરાખંડમાં 28નાં મોત
  • યમુના નદીનું જળસ્તર વધતા દિલ્લી, હરિયાણા, પંજાબ અને ઉત્તરપ્રદેશને એલર્ટ કરાયા
  • ઉત્તરાખંડમાં ભારે વરસાદને કારણે 22 લોકો લાપતા

જેમાં દિલ્હી, હરિયાણા, પંજાબ અને ઉત્તર પ્રદેશનો સમાવેશ થાય છે. જ્યારે ઉત્તરાખંડમાં ભારે વરસાદના કારણે 22 લોકો લાપતા થયા છે. દિલ્હીમાં યમુના નદીના જળસ્તરમાં વધારો થયો છે. નદી પાસેના નીચાણવાળા વિસ્તારોને ખાલી કરાવવામાં આવી રહ્યાં છે.
 


હિમાચલ પ્રદેશના કુલ્લુમાં ભારે વરસાદ બાદ ભૂસ્ખલન થતાં વાહન વ્યવહાર ઠપ થવા જોવા મળ્યો છે. ઉત્તરા ખંડના પ્રતાપનગરમાં ભારે વરસાદથી રોડ તૂટી જતાં પાણીના વહેણમાં વાહન સાથે લોકો ફસાઇ જતાં એનડીઆરની ટીમે ભારે જહેમત કરી રેસ્કયૂ કરી લોકોને બચાવ્યાં હતા.

 


હિમાચલ પ્રદેશના બે મુખ્ય સ્થળ કુલ્લુ અને મનાલીને જોડતો હાઇવે નંબર 3 વરસાદથી તૂટી ગયો છે. ભારે વરસાદના કારણે હાઇવે નંબર 3ને નૂકસાન થતાં વાહનવ્યવહાર રોકી દેવામાં આવ્યો છે. હિમાચલ પ્રદેશના કુલ્લુમાં  ભારે વરસાદના કારણે 2નાં મોત નિપજ્યાં છે.
 


જ્યારે પહાડો ઘસવાના કારણે હજારો યાત્રિકો હિમાચલમાં ફસાયા છે. હિમાચલ પ્રદેશમાં બારે વરસાદથી જનજીવન પ્રભાવિત થયું છે. આમ હિમાચલ પ્રદેશમાં ભારે વરસાદ અને ભૂસ્ખલનના કારણે ભારે તબાહી સર્જાય છે. હિમાચલ પ્રદેશમાં ભારે વરસાદથી નદી-નાળામાં પૂરની પરિસ્થિતિ જોવા મળી છે. 
 


 

 

 

Heavy Rain Himachal Pradesh weather Forecast વરસાદ હવામાન વિભાગ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ