સૌરાષ્ટ્રમાં આજે ખાસ કરીને જામનગર અને રાજકોટમાં ભારે વરસાદ પડ્યો જેના કારણે ભારે તારાજી સર્જાઈ. ત્યારે વધુમાં હવામાન વિભાગે સમગ્ર ગુજરાતમાં સાર્વત્રિક ભારે વરસાદની આગાહી કરી છે.
આગામી દિવસોમાં રાજ્યમાં ભારે વરસાદ પડશે
હવામાન વિભાગે કરી મોટી આગાહી
સૌરાષ્ટ્રમાં રેડ અને ઓરેન્જ એલર્ટ જાહેર
ગુજરાતમાં આજે સૌરાષ્ટ્રમાં ભારે વરસાદ જોવા પડ્યો. જેમા ખાસ કરીને જામનગર અને રાજકોટમાં જળબંબાકાર જેવી સ્થિતી સર્જાઈ હતી ત્યારે વધુમાં હવામાન વિભાગે આગાહી કરી છે કે રાજ્યમાં સાર્વત્રિક વરસાદ પડી શકે છે. લો પ્રેશર સક્રિયા થતા ભારે વરસાદની આગાહી હવામાન વિભાગ દ્વારા કરવામાં આવી છે.
દક્ષિણ ગુજરાત અને સૌરાષ્ટ્રમાં ભારે વરસાદ
ખાસ કરીને દક્ષિણ ગુજરાત તેમજ સૌરાષ્ટ્રમાં ભારે વરસાદ પડી શકે છે. સૌરાષ્ટ્ર હાલ પણ ભારે વરસાદ છે. જેથી આવનારા દિવસોમાં અહીયા વરસાદ યથાવત રહેશે. આપને જણાવી દઈએ કે સૌરાષ્ટ્રના અનેક જિલ્લાઓમાં હવામાન વિભાગ દ્વારા રેડ એલર્ટ જાહેર કરવામાં આવ્યું છે.
હવામાન વિભાગે પહેલાથી લોકોને સાવચેત કર્યા
જેમા અમરેલી, રાજકોટ, જામનગર, ભાવનગરમાં હવામાન વિભાગે રેડ એલર્ટ જાહેર કરી દીધું છે. સાથેજ પોરબંદર, જૂનાગઢ, સોમનાથમાં પણ રેડ અલર્ટ અપાયું છે. જેના કારણે અહીયાના લોકો પણ અત્યારથી સાવચેત થઈ ગયા છે.
માછીમારોને દરિયો ન ખેડવા સૂચના
ઉલ્લેખનીય છે કે જામનગર અને રાજકોટમાં આજે જળંબબાકાર જેવી સ્થિતી સર્જાઈ છે. ત્યારે વધુમા હવામાન વિભાગ દ્વારા આજે રેડ એલર્ટ જાહેર કરવામાં આવ્યું છે. આવતીકાલે ઓરેન્જ એલર્ટ જાહેર કરવામાં આવ્યું છે. સાથેજ 15 તારીખે પણ હવામાન વિભાગ દ્વારા રેડ એલર્ટ જાહેર કરવામાં આવ્યું છે અને 5 દિવસ માછીમારોને દરિયો ન ખેડવા માટે સૂચના આપી દેવામાં આવી છે.