રાજકોટ શહેર સહિત ગ્રામ્ય વિસ્તારોમાં મેઘરાજા ધમાકેદારે બેટિંગ કરતાં છેલ્લા 24 કલાકમાં રાજકોટ શહેર સહિત આસ-પાસના વિસ્તારોમાં જળપ્રલય લાવી દીધો છે.
અમદાવાદ બાદ રાજકોટ શહેરમાં પણ પ્રિમોન્સૂન પ્લાનનો ફિયાસ્કો
રાજકોટ શહેર અને ગ્રામ્ય વિસ્તારોમાં ધોધમાર વરસાદ
ધોધમાર વરસાદના કારણે શહેરમાં પૂર જેવી સ્થિતિ
ગુજરાતમાં મેઘરાજાની ધમાકેદાર બેટિંગ કરી રહ્યાં છે. જેને લઈને ગત રવિવારે અમદાવાદમાં જળબંબાકારની સ્થિતિ થઈ ગઈ હતી. ત્યારે મંગળવાર સવારે રાજકોટની સ્થિતિ કંઈક આવી જ જોવા મળી રહી છે. સોમવાર મોડી રાત્રેથી ભારે વરસાદ ખાબકતા શહેર સહિત ગ્રામ્ય વિસ્તારો પણ જળમગ્ન થઈ ગયું હતું. આમ અમદાવાદ બાદ હવે રાજકોટ શહેરમાં પ્રિમોન્સૂન પ્લાનનો ફિયાસ્કો જોવા મળ્યો છે.
રાજકોટ શહેરમાં પૂર જેવી સ્થિતિ
અમદાવાદ બાદ રાજકોટ શહેરમાં પણ પ્રિમોન્સૂન પ્લાનનો ફિયાસ્કો થયો છે. રાજકોટમાં ધોધમાર વરસાદ પડતા જળબંબાકાર થયો છે. શહેરમાં અનેક વિસ્તારમાં ઠેર ઠેર પાણી ભરાતા પૂર જેવી સ્થિતિ ઊભી થઈ છે. અનેક જગ્યાએ પાણી ભરાતા વાહનો તણાવાના દ્રશ્યો સામે આવ્યા છે. શહેરના મવડી વિસ્તારમાં પાણીમાં 2 કાર તણાતી નજરે પડી રહી છે. રાજકોટમાં હાલ જળબંબાકાર જેવી સ્થિતિ ઊભી થઈ છે.બીજી તરફ રાજકોટ લોધિકા, કોટડા સાંગાણી તાલુકા સહિતના વિસ્તારોમાં વરસાદી પાણીથી જળમગ્ન થઈ ગયા
રાજકોટના પોપટપરામાં નાળુ પાણીમાં ગરકાવ
આમ રાજકોટમાં મેઘરાજાએ ધૂંઆધાર બેટીંગ કરીતાં 11 ઈંચ જેટલો વરસાદ ખાબક્યો હતો જેને લઈને સામાન્ય જનજીવનને ખૂબ જ માઠી અસર પહોંચી છે. વાત કરીએ રાજકોટના પોપટપરા વિસ્તારની તો આ વિસ્તારનું નાળું પાણીમાં ગરકાવ થઈ જતાં ને લોકો સામેના કાંઠો પણ જઈ નથી શકતાં.નાળાની બહાર હાલ પૂર જેવા દ્રશ્યો સર્જાયા છે. તેમજ વરસાદી પાણી ઘરમાં ભરાયા હતાં.
રાજકોટ સિવિલમાં હોસ્પિટલમાં ઘૂંટણસમા પાણી ભરાતાં દર્દીઓને હાલાકી
વાત કરીએતો રાજકોટ સિવિલ હોસ્પિટલની તો મેઘરાજાની કહેરથી સિવિલ હોસ્પિટલ પણ બાકાત રહી નથી. આજે વહેલી સવારથી જ રાજકોટમાં ભારે વરસાદ પડતાં રાજકોટ સિવિલ હોસ્પિટલના બેઝમેન્ટમાં પાણી ભરાયા છે. જેને લઈને હોસ્પિટલમાં સારવાર અર્થે આવેલા દર્દીઓની હાલત કફોડી થઈ જવા પામી છે. સિવિલ હોસ્પિટલમાં વરસાદી પાણી ભરાતા ચાલુ વરસાદે દર્દીઓ તાત્કાલિક ધોરણે અન્યત્ર ખસેડાયા છે.
ભારે વરસાદના કારણે સૌરાષ્ટ્ર યુનિવર્સિટીની પરીક્ષા પણ રદ કરાઈ
મેઘરાજાએ સૌરાષ્ટ્ર અને દક્ષિણ ગુજરાતમાં ભારે તાંડવ મચાવ્યું છે. ખાસ કરીને રાજકોટ અને તેની આસપાસના વિસ્તારોમાં આજે સવારથી મૂશળધાર વરસાદ પડતા લોકોના જીવ પડીકે બંધાયા છે. રાજકોટમાં અત્યાર સુધી 11 ઈંચથી વધુ વરસાદ પડી જતા રસ્તાઓ નદી બની ગયા છે. લોકોના વાહનો ડૂબી ગયા છે. આમ વહેલી સવારથી પડી રહેલા ધોધમાર વરસાદને પગલે રાજકોટમાં તમામ શાળાઓ અને કોલેજો બંધ રાખવાના આદેશ જાહેર કરવામાં આવ્યાં છે અને સૌરાષ્ટ્ર યુનિવર્સિટીની પરીક્ષા પણ રદ કરવામાં આવી છે.
વરસાદી સિઝનમાં 52 લોકોનાં મૃત્યુ તેમજ 272 પશુઓનાં મોત
અડધા ગુજરાતમાં પૂર જેવી સ્થિતિ ઉદભવી છે. હજી ચાર દિવસ મેઘરાજા ધરતી ધમરોળશે. ત્યારે ગુજરાત સરકારે આપેલા આંકડા મુજબ, રાજ્યમાં વરસાદી સિઝનમાં 52 લોકોનાં મૃત્યુ થયાં છે. જેમાં વીજળી પડવાના કારણે 32 લોકોનાં મૃત્યુ થયા છે, તો તણાવાથી અને ડૂબી જવાથી 20 લોકોનાં મૃત્યુ થયાં છે. ભારે વરસાદના કારણે સાત લોકો મોતને ભેટ્યા છે. તેમજ અત્યાર સુધીમાં 272 પશુઓનાં પણ મોત થયાં છે.