મેઘનો તાંડવ / કચ્છમાં ત્રીજા દિવસે પણ ધમાકેદાર વરસાદ, તો ભાવનગરમાં અંદાજીત 3 હજાર ગુણીઓ પલળી

• કચ્છમાં ત્રીજા દિવસે ધમાકેદાર વરસાદ
• ગાંધીધામમાં જોવા મળ્યો ભારે વરસાદ
• ગાંધીધામની મુખ્ય બજારોમાં ભરાયા વરસાદી પાણી

કચ્છમાં સતત ત્રીજા દિવસે પણ ધમાકેદાર વરસાદ જોવા મળી રહ્યો છે. ગાંધીધામમાં ભારે વરસાદથી મુખ્ય બજારોમાં વરસાદી પાણી ભરાઈ ગયા હતા. વરસાદી પાણી દુકાનોમાં પણ ઘુસી ગયા હતા જેને પગલે વેપારીઓને પણ ભારે નુકસાન થયુ હતું. કચ્છના અંજારમાં સૌથી વધુ સવા ચાર ઇંચ વરસાદ નોંધાયો છે.

24 કલાકમાં રાજ્યના 174 તાલુકામાં વરસાદ વરસ્યો છે. હવામાન વિભાગની આગાહી પ્રમાણે બે દિવસ વરસાદનું જોર રહેશે. ગાંધીધામમાં પણ 3 ઇંચ વરસાદના કારણે મુખ્ય બજારોમાં પાણી ભરાયા હતા. ભાવનગરના મહુવામાં વરસાદને કારણે ખેડૂતોને નુકસાન થયું છે. મહુવા માર્કેટિંગ યાર્ડમાં રાખેલો પાકનો જથ્થો પલળ્યો હતો. મગફળી અને ડુંગળીની ગુણીઓ વરસાદમાં પલળી હતી. અંદાજિત 3 હજાર જેટલી ડુંગળીની ગુણીઓ પલળી ગઈ છે. 

રાજ્યમાં આજે 174 તાલુકામાં વરસ્યો વરસાદ

• સૌથી વધુ કચ્છના અંજારમાં સવા 5 ઈંચ વરસાદ
• જૂનાગઢના માંગરોળમાં 4 ઈંચ વરાસદ નોંધાયો
• ગાંધીધામમાં 3 ઈંચ, થાનગઢમાં 3 ઈંચ વરસાદ
• મેંદરડામાં 3 ઈંચ, ધોરાજીમાં 2.5 ઈંચ વરસાદ
• ગઢડામાં 2 ઈંચ, ઉમરપાડામાં 2 ઈંચ વરસાદ
• ધંધૂકામાં 2 ઈંચ, કડીમાં 2 ઈંચ વરસાદ
• સાણંદમાં 2 ઈંચ, ખંભાળીયામાં 2 ઈંચ વરસાદ
• ભાણવડમાં 1.5 ઈંચ, વઢવાણમાં 1.5 ઈંચ વરસાદ
• મોરબીમાં 1.5 ઈંચ, વેરાવળમા 1.5 ઈંચ વરસાદ
• પોરબંદરમાં 1 ઈંચ, ભાવનગરમાં 1 ઈંચ વરસાદ
• વાંકાનેરમાં 1 ઈંચ, માંગરોલમાં 1 ઈંચ વરસાદ
• ખંભાતમાં 1 ઈંચ, મોરવા હડફમાં 1 ઈંચ વરસાદ
• પાટણમાં 1 ઈંચ, માળિયા હાટિનામાં 1 ઈંચ વરસાદ
• રાજકોટ શહેરમાં 1 ઈંચ, પાલિતાણામાં 1 ઈંચ વરસાદ
• ગોંડલમાં 1 ઈંચ, માળિયા મીયાણીમાં 1 ઈંચ વરસાદ

જૂનાગઢ જિલ્લામાં ભારે વરસાદ જોવા મળી રહ્યો છે. માળીયા હાટીના-માંગરોળ તાલુકામાં ભારે વરસાદ જોવા મળી રહ્યો છે. માળીયા હાટીના, જુથળ, ગળોદર તથા માંગરોળના ગોરેજ, ચિંગરિયા ગામે પણ વરસાદ જોવા મળી રહ્યો છે. વાવણીલાયક વરસાદ થતા ખેડૂતોમાં પણ ખુશીનો માહોલ છવાઈ ગયો છે.

દ્વારકાના ભાણવડ પંથકમાં ધોધમાર વરસાદ વરસ્યો હતો. વરસાદના પગલે ઠેર ઠેર પાણી ભરાયા હતા. જિલ્લાના ઢેબર ગામે રોડ પર વરસાદી પાણી વહેતા થયા હતા તો બીજી તરફ ભાણવડ-પોરબંદર રોડ પર પણ વરસાદના ધસમસતા પાણી જોવા મળ્યા હતા. રાજ્યમાં ધીમે ધીમે ચોમાસું જામતુ જાય છે. તથા સૌરાષ્ટ્રના તમામ જિલ્લાઓમાં ભારે વરસાદ જોવા મળી રહ્યો છે.