ગુજરાતમાંથી એકતરફ ચોમાસું વિદાય લઇ રહ્યું છે ત્યારે હજુ પણ રાજ્યમાં 16 થી 19 દરમિયાન ભારે વરસાદ સાથે વાવાઝોડાની આગાહી કરવામાં આવી છે. ત્યારે અત્યાર સુધીમાં રાજ્યમાં એક અંદાજ મુજબ 135 ટકાની આસપાસ સરેરાશ વરસાદ વરસ્યો છે. જેમાં કેટલાક જિલ્લામાં મેઘરાજાનો કહેર જોવા મળ્યો. જેના કારણે ખેડૂતોના પાકને ભારે નુકસાન જોવા મળ્યું. જેને લઇને રાજ્યમાં 10 લાખ કરતા વધુ ખેડૂતોએ કૃષિ સહાય માટે અરજી કરી હોવાનું સામે આવ્યું છે.
રાજ્યમાં અતિવૃષ્ટિથી ખેડૂતોને ભારે નુકસાન
10 લાખ કરતા વધુ ખેડૂતોએ કૃષિ સહાય માટે કરી અરજી
ચાલુ વર્ષે 20 જિલ્લાઓને અસરગ્રસ્ત જાહેર કરાયા છે
અમરેલી જિલ્લામાંથી સહાય માટે સૌથી વધુ અરજી
ગુજરાતમાં આ વર્ષે ચોમાસા દરમિયાન વરસાદ સારો વરસ્યો છે. જેમાં કેટલાંક જિલ્લામાં તો મેઘકહેર જોવા મળી હતી. સૌરાષ્ટ્ર અને દક્ષિણ ગુજરાતમાં ઘણી જગ્યાએ ભારે વરસાદ વરસ્યો છે. જેને લઇને ખેડૂતોના ખેતરોમાં પાણી ફરી વળેલા જોવા મળ્યાં.
ભારે વરસાદના પગલે ખેતરોમાં પાણી ઘૂસી જતાં ખેડૂતોના પાકને ભારે નુકસાન થયું હોવાનું જોવા મળ્યું છે. ત્યારે રાજ્યમાં અતિવૃષ્ટિથીના કારણે ભારે નુકસાનને લઇને અંદાજે 10 લાખ કરતા વધુ ખેડૂતોએ કૃષિ સહાય માટે અરજી કરી છે.
ઉલ્લેખનીય છે કે રાજ્યમાં થયેલ અતિવૃષ્ટિની કારણે ચાલુ વર્ષે 20 જિલ્લાઓને અસરગ્રસ્ત જાહેર કરવામાં આવ્યાં છે. ત્યારે અમરેલી જિલ્લામાંથી ખેડૂતો દ્વારા સૌથી વધારે સહાય માટે અરજી કરવામાં આવી છે. ખેડૂતોએ સહાય માટે આ મહિનાની 30 તારીખ સુધીમાં અરજી કરવાની રહેશે.