ચિંતાજનક / VIDEO: ભારે વરસાદથી આ શહેરનું એરપોર્ટ જળંબાબાકાર, હવામાન વિભાગે યેલો અલર્ટ આપ્યું, એકનું મોત

• કર્ણાટકના બેંગલુરુમાં ભારે વરસાદ 
• ભારે વરસાદને કારણે એરપોર્ટ આખું પાણીમાં ગરકાવ
• ભારે વરસાદથી શોર્ટ સર્કિટ થતા એકનું મોત

#WATCH | Karnataka: Heavy rainfall in Bengaluru causes waterlogging outside Kempegowda International Airport Bengaluru. Passengers were seen being ferried on a tractor outside the airport.

Visuals from last night. pic.twitter.com/ylHL6KrZof

— ANI (@ANI) October 12, 2021

એક તરફ ચોમાસું વિદાય લઈ રહ્યું છે. ત્યારે કર્ણાટકની રાજધાની બેંગલુરુમાં ભારે વરસાદ પડ્યો છે. જેના કારણે જનજીવનને ભારે અસર થઈ છે. બારે વરસાદને કારણે બેંગલોરમાં આવેલ કેંપગોંડા એરપોર્ટ ઉપર પણ જળબંબાકાર જેવી સ્થિતી સર્જાઈ હતી. વરસાદને કારણે શોર્ટ સર્કિટ થતા અહિયા એક વ્યક્તિનું મોત પણ થયું છે.

હવામાન વિભાગે યેલો એલર્ટ આપ્યું 

પરિસ્થિતીને ધ્યાનમાં રાખીને હવામાન વિભાગે કર્ણાટકમાં હાલ યેલો અલર્ટ પણ આપી દીધું છે. હવામાન વિભાગે એવી આગાહી કરી છે કે આગામી સમયમાં કર્ણાટકમાં ભારે વરસાદ પડી શકે છે.ભારે વરસાદને કારણે અહીયા શોર્ટ સર્કિટને કારણે એક વ્યક્તિનું મોત થયું હોવાનું સામે આવ્યું છે. જ્યારે અન્ય એક વ્યક્તિ આ ઘટનામાં ઘાયલ પણ થયો હતો. 

એરપોર્ટ આખું જળબંબાકાર 

બેંગલોરમાં આવેલ કેંપેગોંડા આંતરરાષ્ટ્રીય એરપોર્ટ પરનો નજારો જોશો તો તમે નવાઈ પામી જશો. કારણકે એરપોર્ટ પર ચારેય બાજુ પાણીજ પાણી જોવા મળી રહ્યું છે. વાહોનાના પૈડા પણ ડૂબેલા દેખાઈ રહ્યા છે. 

દર વર્ષની સરખામણીએ આ વર્ષે સૌથી વધું વરસાદ 

કર્ણાટક સ્ટેટ નેચરલ ડિજાસ્ટર મોનિટરિંગ સેંટરના સર્વે પ્રમાણે 1 થી 9 ઓક્ટોબરમાં 78 મીમી વરસાદ પડ્યો છે. જે સામાન્ય રીતે 61 મીમી હોય છે. જુલાઈમાં પણ 162 મીમી વરસાદ નોંધાયો હતો જ્યારે જુલાઈમાં સામાન્ય રીતે 94 મીમી વરસાદ રહેતો હોય છે. તે સિવાય અહિયા જૂન મહિનામાં પણ 20 ટકા વધારે વરસાદ નોંધાયો છે.