હવામાન / ગુજરાતમાં આગામી 4 દિવસમાં ભારેથી અતિભારે વરસાદની આગાહી

ગુજરાતમાં આગામી 4 દિવસ ભારે વરસાદની આગાહી કરવામાં આવી છે. ઉત્તર ગુજરાત, સૌરાષ્ટ્ર, દક્ષિણ ગુજરાતમાં વરસાદની આગાહી કરાઇ છે. ગુજરાતમાં ભારેથી અતિભારે વરસાદ પડી શકે છે. ઉત્તરપૂર્વ અરેબિયન સમુદ્રમાં અપર એર સર્ક્યુલેશન સર્જાયું છે. જેને લઇ પોરબંદર, વલસાડ, નવસારી, દમણ, દાદરાનગર હવેલીમાં ભારે વરસાદ પડી શકે છે. આગામી 26 અને 27 તારીખે સૌરાષ્ટ્રમાં ભારે વરસાદની શક્યતા છે. સાબરકાંઠા, અરવલ્લી, વડોદરા, પંચમહાલ, દાહોદ, છોટાઉદેપુરમાં ભારેથી અતિભારે વરસાદ પડી શકે છે.નર્મદા, ભરૂચ, ખેડા, મહીસાગરમાં પણ ભારેથી અતિભારે વરસાદની આગાહી કરાઇ છે. 28 તારીખે મહેસાણા, સાબરકાંઠા, ગાંધીનગર, અમદાવાદ, પંચમહાલ, મોરબી,  ભાવનગર, ગીર સોમનાથમાં ભારે વરસાદ પડી શકે છે.