ગુજરાતમાં બે વરસાદની સિસ્ટિમ સક્રિય થતા આગામી દિવસોમાં ભારે થી અતિભારે વરસાદની થવાની આગાહી
સપ્ટેમ્બરમાં ગુજરાતમાં સાર્વત્રિક વરસાદ
સૌથી વધુ વડોદરાના પાદરામાં પોણા 4 ઈંચ
છેલ્લા 24 કલાકમાં 157 તાલુકામાં વરસાદ
રાજ્યમા હજું પણ સારા વરસાદની આગાહી કરવામાં આવી રહી છે હવામાન વિભાગે ગુજરાતમાં 5 દિવસ સાર્વત્રિક વરસાદની આગાહી કરતા જણાવ્યું છે કે રાજ્યમાં બે વરસાદની સિસ્ટિમ સક્રિય થતા આગામી દિવસોમાં ભારે થી અતિભારે વરસાદની થવાની સંભાવનાઓ જોવા મળી રહી છે.
સપ્ટેમ્બરમાં ગુજરાતમાં સાર્વત્રિક વરસાદ
ઉત્તર ગુજરાતમાં હળવાથી ભારે વરસાદ તેમજ મધ્ય ગુજરાતમાં સામાન્યથી હળવો વરસાદ પડી શકે છે જ્યારે ભાવનગર, જુનાગઢ, દ્વારકા, ગીર સોમનાથમાં સારો એવો વરસાદ પડી શકે તેવું હવામાન વિભાગે જણાવ્યું છે. મહત્વનું છે કે રાજ્યમાં છેલ્લા ત્રણ ચાર દિવસથી રાજ્યમાં વાદળછાયુ વાતાવરણ જોવા મળી રહ્યું છે તો વળી કેટલાક જગ્યાએ ધોધમાર તો કેટલીક જગ્યાએ સાંબેદાધાર વરસાદ વરસતા અત્રતત્ર સર્વત્ર જળબંબાકાર થઈ ગયો છે ભાદરવા મહિનાની શરૂઆતથી જ મેઘરાજા મન મુકીને વરસી રહ્યા છે જાણે વરસાદની મોસમ પૂરજાશમાં ખુલી હોય તેવી લાગી રહ્યું છે.
રાજ્યમાં બે વરસાદની સિસ્ટિમ સક્રિય થઈ
રાજ્યમાં પડેલા ભારે વરસાદને લઈને અનેક ચેકડેમોમાં નવા નીર આવ્યા છે, નદી,નાળા, ચેકડેમમાં પાણીની આવક થતા ગુજરાત પરથી જળ સંકટનો ખતરો ટળ્યો છે કેમ કે વરસાદ પાંછો ખેંચાતા રાજ્યમાં પીવાના પાણીની તંગી સર્જાઈ એવી સ્થિતિ સર્જાઈ હતી જેને લઈને ખેડૂતો અપાતા સિંચાઈના પાણી માટે પણ રોક લગાવી દેવામાં આવી હતી પરતું આ વખતે સારો એવો વરસાદ પડતા ખેડૂતોને સિંચાઈ માટે પાણી તો મળ્યો જ છે સાથે ખેડૂતોનો મહામુલો પાક પણ મુરજાતા બચી ગયો છે.
રાજ્યમાં મધ્યમથી ભારે વરસાદની આગાહી
આ તરફ હવામાન વિભાગે અમદાવાદ, ગાંધીનગર, વડોદરા, સુરત, તાપી, નવસારી, વલસાડ અને ડાંગ સહિતના પથંકમાં વરસાદની આગાહી કરી છે, રાજ્યમાં મેઘરાજા મન મુકીને વરસી રહ્યા છે ત્યારે હજુ પણ ગુજરાતમાં 35 ટકા વરસાદની ઘટ જોવા મળી રહી છે. જો કે સપ્ટેમ્બરમાં ગુજરાતમાં સાર્વત્રિક વરસાદ નોંધાયો છે.
છેલ્લા 24 કલાકમાં 157 તાલુકામાં વરસાદ
આમ છેલ્લા 24 કલાકમાં 157 તાલુકામાં વરસાદ સારો એવો વરસાદ નોંધાયો છે. સૌથી વધુ વડોદરાના પાદરામાં 4 ઈંચ પડ્યો જ્યારે ડીસા અને દાંતામાં 3.5 ઈંચ, વડગામ અને વિજયનગરમાં 3.5 ઈંચ, પાલનપુર ઉમરપાડામાં 3 ઈંચ, હળવદા, દસાડામાં 3 ઈંચ, થરાદમાં 3 ઈંચ તેમજ ખેડબ્રહ્મા સતલાસણામાં 2.5 ઈંચ, ખંભાત અને ડેડિયાપાડામાં 2 ઈંચ તથા વડાલી અને વાવમાં 2 ઈંચ વરસાદ તો સાંતલપુર 2 ઈંચ અને સિદ્ધપુરમાં 2 ઈંચ વરસાદ નોંધાયો છે.