ગુજરાતમાં ગઇકાલથી સૌરાષ્ટ્રમાં ભારે વરસાદનાં કારણે પૂર જેવી પરિસ્થિતિ સર્જાઇ છે ત્યારે આજે પણ ભારે વરસાદનાં કારણે ઓરેન્જ અલર્ટ આપવામાં આવ્યું છે.
રાજ્યમાં સાર્વત્રિક વરસાદ
સૌરાષ્ટ્રમાં આજે ઓરેન્જ અલર્ટ
દક્ષિણ ગુજરાતમાં પણ ભારે વરસાદ રહેશે
ગુજરાતમાં ભારે તબાહી
ગુજરાતમાં આખો શ્રાવણ મહિનો કોરોધાકોર ગયો હતો જે બાદ ખેડૂતો અને સરકાર ટેન્શનમાં મૂકાઈ ગઈ હતી કે રાજ્યમાં પૂર જેવી પરિસ્થિતિનું નિર્માણ થયું છે. જોકે ભાદરવામાં મેઘરાજાની તોફાની બેટિંગનાં કારણે મેઘતાંડવ જેવી પરિસ્થિતિનું નિર્માણ થયું છે. રાજ્યમાં સૌરાષ્ટ્રમાં પરિસ્થિતિ સૌથી વધારે ખરાબ છે ત્યારે આ તબાહીનાં દ્રશ્યોની વચ્ચે હવામાન વિભાગ દ્વારા સૌરાષ્ટ્રમાં હજુ આજના દિવસ માટે પણ ઓરેન્જ અલર્ટ આપી દેવામાં આવ્યું છે.
સૌરાષ્ટ્રમાં આજે ઓરેન્જ અલર્ટ
સૌરાષ્ટ્રનાં રાજકોટ, જુનાગઢ, જામનગરમાં સ્થાનિકોનાં હાલ બેહાલ છે અને કેટલાય ગામોમાં સંપર્ક થઈ રહ્યો નથી ત્યારે સૌરાષ્ટ્રનાં સાત જિલ્લાઓમાં આજના દિવસ માટે ભારે વરસાદને લઈને ઓરેન્જ અલર્ટ આપવામાં આવ્યું છે. પોરબંદર, ગીર સોમનાથ, ભાવનગર, જામનગર, રાજકોટ, સુરેન્દ્રનગર, મોરબીમાં ઓરેન્જ અલર્ટ આપવામાં આવ્યું છે.
ગુજરાતનો એકેય ખૂણો બાકી નહીં રહે!
સૌરાષ્ટ્રની સાથે સાથે દક્ષિણ ગુજરાતમાં પણ ભારે વરસાદની આગાહી કરવામાં આવી છે. આ સિવાય મધ્ય ગુજરાતમાં અમદાવાદ અને ગાંધીનગર તથા ઉત્તર ગુજરાતમાં બનાસકાંઠા, સાબરકાંઠા, પાટણ અને મહેસાણામાં પણ વરસાદ પડવાની આગાહી કરવામાં આવી છે.
CM ભૂપેન્દ્ર પટેલ કરશે હવાઈ સર્વેક્ષણ
નોંધનીય છે કે મુખ્યમંત્રી ભૂપેન્દ્ર પટેલ પણ પૂરની પરિસ્થિતિને લઈને સતત એક્શનમાં છે, આજે પાર્લામેન્ટ્રી બોર્ડની મીટિંગનાં તુરત બાદ મુખ્યમંત્રી જામનગર જવા માટે રવાના થયા છે. મુખ્યમંત્રી ભૂપેન્દ્ર પટેલ જામનગર અને રાજકોટમાં પૂરની પરિસ્થિતિને લઈને હવાઈ સર્વેક્ષણ કરશે અને તે બાદ તેઓ રાજકોટમાં એક મહત્વપૂર્ણ બેઠક કરી શકે છે.